އިޓާލިއަން ލީގުގައި ބޮލޯނިއާ ބަލިކޮށް އިންޓަ މިލާނުން ތާވަލުގެ އެއްވަނައިގައި އަށް ޕޮއިންޓުގެ ލީޑެއް ނަގައިފިއެވެ.
ތާވަލުގެ އެއްވަނައިގައި އޮތް އިންޓަ މޮޅުވީ ބޮލޯނިއާ އަތުން 1-0 ލަނޑުންނެވެ. ބޮލޯނިއާގެ ދަނޑުގައި ކުޅުނު މެޗުގައި ދެ ޓީމުންވެސް ގިނަ ހަމަލާތަކެއް އުފެއްދިއިރު، މެޗުގައި ފެނިގެންދިޔަ ހަމައެކަނި ލަނޑު އިންޓައިން ކާމިޔާބުކޮށްފައިވަނީ ފުރަތަމަ ހާފުގައެވެ. އެގޮތުން މެޗުގެ 31 ވަނަ މިނެޓުގައި މި ލަނޑު އެ ޓީމަށް ކާމިޔާބުކޮށްދިނީ ރޮމެލޫ ލުކާކޫއެވެ.
މި ނަތީޖާތަކާއެކު ތާވަލުގެ އެއްވަނައިގައި އިންޓައިން އަށް ޕޮއިންޓުގެ ލީޑެއް ނެގިއިރު، އެ ޓީމަށް ވަނީ ކުޅުނު 28 މެޗުން 68 ޕޮއިންޓް ލިބިފައެވެ. ތާވަލުގެ ދެވަނައިގައި އޮތް މިލާނަށް 29 މެޗުން 60 ޕޮއިންޓް ލިބިފައިވާއިރު، ތިންވަނައިގައި އޮތް އެޓަލާންޓާއަށް 29 މެޗުން ވަނީ 58 ޕޮއިންޓް ލިބިފައެވެ.
ލީގުގައި އެންމެ ފަހުން ކުޅުނު ނުވަ މެޗުންވެސް އިންޓަމިލާން ވަނީ މޮޅުވެފައެވެ.
ކޮމެންޓު ފޮނުވާ