ގައުމީ ޓީމުން ރިޓަޔާ ކުރިތާ ފަސް އަހަރު ފަހުން، ރިޓާޔާމެންޓް އުވާލުމަށް ފަހު ސްވިޑެންގެ ތަޖުރިބާކާރު ފޯވަޑް ޒްލަޓާން އިބްރޮހިމޮވިޗް އަލުން ގައުމީ ޓީމަށް ކުޅެން ތައްޔާރު ވެއްޖެއެވެ.
ގައުމީ ޓީމުން 2016 ގައި ރިޓަޔާ ކުރުމުގެ ކުރިން އޭނާ ވަނީ 116 މެޗު ކުޅެ 62 ގޯލް ޖަހާފައެވެ. އޭނާ ގައުމީ ޓީމުން ރިޓަޔާ ކުރީ ފްރާންސްގައި 2016 ގައި ބޭއްވި ޔޫރޯގެ ގުރޫޕް ސްޓޭޖުން ސްވިޑެން ކެޓުމަށް ފަހު އެވެ. އޭގެ ފަހުން ރަޝިއާގައި 2018 ގައި ބޭއްވި ވޯލްޑް ކަޕަށް ވެސް ގައުމީ ޓީމަށް އަލުން އައުމަށް އޭނާ މަސައްކަތް ކުރި ކަމަށް އޭރު ރިޕޯޓްތައް ފެތުރުނެވެ.
ސްވިޑެންގެ ކޯޗް ޖޭން އެންޑަސަން ވަނީ، ވޯލްޑް ކަޕް ކޮލިފިކޭޝަންގައި ޖޯޖިއާ އަދި ކޮސޯވާ އާ ދެކޮޅަށް ކުޅެން ހަމަޖެހިފައިވާ މެޗުތަކަށް އެކުލަވާލި ސްކޮޑްގައި އިބްރޮމޮވިޗް ހިމަނާފަ އެވެ. އެމެރިކާގެ ލޮސް އެންޖަލިސް ގެލްކްސީގެ ކޮންޓްރެކްޓް ނިމުމަށް ފަހު، 2019 ވަނަ އަހަރު އޭނާ ގުޅުނީ އޭސީ މިލާން އެވެ.
ކޮމެންޓު ފޮނުވާ