ކުރިއަށް އޮތް ރޯދަމަހާއި ދިމާކޮށް ޚާއްސަ އަގުތަކެއްގައި ބިހާއި ފިޔަޔާއި، އަލުވި ވިއްކަން ނިންމާފައި ވާކަމަށް ރެޑްވޭވުން ބުނެފިއެވެ.
ރެޑްވޭވުން ބުނީ ކޮންމެ އަހަރެއްގެ ވެސް ރޯދަ މަހާ ދިމާކޮށް ބިހާއި ފިޔަޔާއި، އަލުވީގެ އަގު އުފުލުނު ނަމަވެސް މި އަހަރުގެ ރޯދަ މަހު ހެޔޮ އަގުގައި އެ ތަކެތި ވިއްކަން އެ ކުންފުނިން މަސައްކަތް ކުރަމުން އަަންނަ ކަމަށެވެ. އެގޮތުން މިހާރުވެސް ބިހުގެ އަގު 1.50ރ އަށް ހެޔޮކޮށްފައި ވާކަމަށް ރެޑްވޭވުން ބުނެއެވެ.
މީގެ އިތުރުން ފިޔާ އަދި އަލުވީގެ އާޝިޕްމަންޓެއް ލިބުމާއިއެކު، އެތަކެތިވެސް ވަރަށް ބޮޑުތަނުން އަގުހެޔޮ ކުރާނެކަމަށް ރެޑްވޭވުން ބުނެއެވެ. އަދި މި އަގުތަކުގައި ރޯދަމަސް ނިމެންދެން އެތަކެތި ލިބޭނެ އިންތިޒާމް ހަމަޖައްސާނެ ކަމަށްވެސް އެކުންފުނިން ބުނެއެވެ.
ކޯވިޑްގެ ބަލިމަޑުކަމުގައި އިގްތިޞާދަށް އައިސްފައިވާ ހީނަރުކަމާއެކުވެސް ރެޑްވޭވުގެ އަމާޒަކީ ޒަރޫރީ ކާބޯތަކެތި އެންމެ ހެޔޮއަގުގައި ކަސްޓަމަރުންނަށް ފޯރުކޮށްދިނުންކަން އެކުންފުނިން ބުނެއެވެ.
މީގެ އިތުރުންވެސް ރޯދަމަހާ ދިމާކޮށް ހައިސެންސް އަދި ޝާޕް ބްރޭންޑުގެ އިލެކްޓްރޯނިކްސްގެ އިތުރުން ރޯދައަށް ހާއްސަ ގިނަ އައިޓަމްތަކެއް ވަރަށް ހެޔޮއަގުގައި ރެޑްވޭވްގެ ފިހާރަތަކުން ލިބެން ހުންނާނެ ކަމަށްވެސް އެކުންފުނިން މައުލޫމާތުދެއެވެ.
