ޑޯޓްމަންޑް މޮޅުވެ ގަދަހަތަރެއްގެ އުންމީދު އާކޮށްފި

ޖަރުމަނު ބުންޑަސްލީގުގައި ޑޯޓްމަންޑް މޮޅުވެ ގަދަހަތަރެއްގެ އުންމީދު އާކޮށްފިއެވެ.

އަމިއްލަ ދަނޑުގައި ކުޅެ ޑޯޓްމަންޑް މޮޅުވީ ހާތާ ބާލިން އަތުން 2-0 ލަނޑުންނެވެ. ލީގުގައި ފޯމުގެއްލިފައި އޮތް ހާތާބާލިން މެޗުގައި އެންމެ ބޮޑުގޮންޖެހުމެއް ކުރިމަތިވީ 80 ވަނި މިނުޓުގައި ޑަރިޑާއަށް ރަތްކާޑު ދައްކާ ދަނޑު ފޮނުވާލުމުންނެވެ. ރަތްކަޑާ ދެއްކުމުގެ ކުރިން ޑޯޓްމަންޑްއިން އެއްލަނޑުގެ ލީޑަކާ އެކު ކުރީގައި އޮތްއިރު ލީޑް އިތުރަށް ފުޅާކުރީ މެޗުގެ އިތުރުވަގުތުގައި އުމުރުން އެންމެ 16އަހަރުގެ ފޯވާޑް ޔޫސުފާ މޮއިކޮކޯ ކާމިޔާބުކުރި ލަނޑުންނެވެ.

ލީގުގައި ރޭ ކުޅުނު މެޗުތަކަށް ބަލާއިރު އެންމެފަހުގެ ޗެމްޕިއަން ބާޔާން މިއުނިކުން ވާޑާ ބްރޭމަންގެ މައްޗަށް ކުރިހޯދި އިރު ޔޫނިއަން ބާލިން ވަނީ ކުލޯންގެ މައްޗަށް ކުރި ހޯދާފައެވެ. މެއިންޒްއިން ފެރްއިބާގް މައްޗަށް ކުރި ހޯދި އިރު ވުލްފްބާގް އިން ވަނީ ޝާލްކޭމައްޗަށް ކުރި ހޯދާފައެވެ. މި މޮޅާއެކު ޑޯޓްމަންޑް ވަނީ ލީގުގެ ހަތަރުވަނައާ އެއްޕޮއިންޓް ގާތައް ޖެހިލާފައެވެ. މެޗުން ބަލިވި ހާތާބާލިން ވަނީ ލީގުގެ 15ވަނައަށް ވެއްޓިފައެވެ.

ލީގުގެ އެއްވަނައިގަ ބަޔާން މިއުނިކް އޮތީ 58 ޕޮއިންޓާއެކު. ދެވަނައިގަ ލީޕްޒިގް އޮތީ 53 ޕޮއިންޓާއެކުއެވެ. ވުލްފްބާގް ތިންވަނައިގަ އޮތީ 48 ޕޮއިންޓާއެކުއެވެ. ލީގުގެ ހަތަރުވަނައިގަ ފްރެންކްފާޓް އޮތީ 43 ޕޮއިންޓާއެކު އޮތް އިރު އެއްޕޮއިންޓް މަދުން ހޯދައިގެން 42 ޕޮއިންޓާއެކު ޑޯޓްމަންޑް އޮތީ ފަސްވަނައިގައެވެ. 6 ވަނާގައިވާ ބާޔާ ލެވަކޫސަން ލިބެނީ 46 ޕޮއިންޓެވެ.