ބެންޒީމާގެ ދެލަނޑާއެކު ރެއާލް ދެވަނައަށް

ސްޕެނިޝް ލީގުގައި ބެންޒީމާ ކާމިޔާބުކުރި ދެލަނޑާއެކު އެންމެފަހުގެ ޗެމްޕިއަން ރެއާލް މެޑްރިޑު ތާވަލުގެ ދެވަނައަށް ކުރިޔަށްޖެހިލައިފިއެވެ.

އަމިއްލަ ދަނޑުގެ ރެއާލް މޮޅުވީ އެލްޗޭ އަތުން 2-1 ލަނޑުންނެވެ. މެޗުގެދެވަނަ ހާފްގައި ލަނޑުތައް ފެނިގެން ދިޔައިރު މެޗުގެ ފުރަތަމަ ލަނޑުޖަހާ ކުރި ހޯދީ އެލްޗޭއިންނެެވެ.

މެޑްރިޑުން ނަތިޖާ ހަމަހަމަކުރީ ކަރިމް ބެންޒީމާ ކާމިޔާބުކުރި ލަނޑުންނެވެ. މެޗުން މެޑްރިޑް މޮޅުވީވެސް އިތުރުވަގުތުގައި ބެންޒީމާ ޖެހި ލަނޑުންނެވެ. މި މޮޅާއެކު މެޑްރިޑްވަނީ ތާވަލުގެ ތިންވަނާގައިވާ ވާދަވެރި ބާސެލޯނާއަށް ވުރެ އެއްޕޮއިންޓް އިތުރަށް ހޯދައިގެން ތާވަލުގެ ދެވަނައަށް ކުރިޔަށް ޖެހިލާފައެވެ. މިހާތަނަށް ލީގުގައި ކުޅުނު 27 މެޗުން މެޑްރިޑް ހޯދުނީ 57 ޕޮއިންޓެވެ.