ޔޫއެފާ ޗެމްޕިއަންސް ލީގުގެ ކުއާޓަރ ފައިނަލުގައި މަޝްހޫރު ބާސެލޯނާ މުބާރާތުން ކަޓައިފިއެވެ.
ބާސެލޯނާ އަށް ކުއާޓަރ ފައިނަލްގެ ފުރުސަތު ގެއްލުނީ އެންމެ ފަހުން ބޭއްވި މުބާރާތުގެ ފައިނަލްގައި ވާދަކުރި ޕީއެސްޖީ އާ ދެކޮޅަށް ރޭ ކުޅުނު ގަދަ 16 ގެ ދެވަނަ ލެގުގެ މެޗު 1-1 އިން އެއްވަރުވި ނަމަވެސް އެގްރިގޭޓް ނަތީޖާ އިން 5-2 އިން ބަލިވުމުންނެވެ. މެޗު ފަށައިގެން 30 ވަނަ މިނެޓްގައި ޕީއެސްޖީއަށް ލިބުނު ޕެނަލްޓީ އެއް ބާސެލޯނާގެ ގޯލަށް ވައްދާލައިގެން ފްރާންސްގެ ޒުވާން ފޯވާޑް ކިލިއެން އެމްބާޕޭ ޕީއެސްޖީ އަށް ލީޑް ހޯދައިދިނެވެ.
އެއާއެކު ބާސެލޯނާ އިން އިތުރަށް ހިތްވަރު ލައި އޭގެ ހަތް މިނެޓް ފަހުން މެޗުގެ ނަތީޖާ ހަމަހަމަކުރިއެވެ. މި ލަނޑު އެ ޓީމަށް ކާމިޔާބުކޮށްދިނީ ކެޕްޓަން މެސީއެވެ.
މެޗުގެ ފުރަތަމަ ހާފު ނިމެން އުޅެނިކޮށް ބާސެލޯނާއަށް ލީޑު ނަގަން ރަނުގެ ފުރުސަތެއް ލިބުނެވެ. އެކަމަކު މެޗުގެ ފުރަތަމަ ހާފުގެ އިތުރު ވަގުތުގައި ބާސެލޯނާ އަށް ލިބުނު ޕެނަލްޓީ މެސީ ފޮނުވާލުމުން ގޯލަށް ވަންނަ ގޮތެއް ނުވި އެވެ. މިއީ ވޭތުވެދިޔަ 14 އަހަރުގެ ތެރޭގައި ކުއާޓަރ ފައިނަލަށް ނުގޮސް ބާސެލޯނާ މުބާރާތުން ކެޓި ފުރަތަމަ ފަހަރެވެ.
ކޮމެންޓު ފޮނުވާ