އިންޑިއާގެ ރިޝްޕޫރް ވިލޭޖަށް ނިސްބަތްވާ އަންހެނަކު ފާހާނައެއް ތެރޭގައި ބަންދުކޮށްގެން ގެންގުޅޭތާ އަހަރެއްހާ ދުވަސް ފަހުން ސަލާމަތްކޮށްފިއެވެ.
އެ އަންހެން މީހާ ސަލާމަތްކޮށްފައި ވަނީ ވުމެން ޕްރޮޓެކްޝަން އެންޑް ޗައިލްޑް މެރިއޭޖް ޕްރޮހިބިޝަން އޮފިސަރ ރަޖްނީ ގުޕްތާ އާއި އޭނާގެ ޓީމުންނެވެ. އެ އަންހެން މީހާ ފާހަނަ ތެރޭގައި ބަންދުކޮށްފައި ވަނީ އޭނާގެ ފިރިމީހާއެވެ. ގުޕްތާއަށް އެކަމުގެ މައުލޫމާތު ލިބުނީ މިދިޔަ ބުދަ ދުވަހުއެވެ.
އަހަރެންނަށް މައުލޫމާތު ލިބުނީ، އަންހެނަކު ފާހަނައެއްގެ ތެރޭގައި ބަންދުކޮށްފައި އަހަރަކަށްވުރެ ގިނަ ދުވަސްވެފައިވާކަމުގެ، އެހެންވެ އަހަރެން، އަހަރެންގެ ޓީމް އެތަނަށް ގޮސް ބެލީ، ބެލިއިރު އެކަންވީ ހަމަ ހަގީގަތަކަށް، އެ އަންހެންނުކައި ހުންނަތާވެސް އެތައް ދުވަހެއް ވެދާނެ.
– ގުޕްތާ ބުނެފައި ވެއެވެ.
ގުޕްތާ ބުނީ، އެ އަންހެން މީހާއަކީ ސިކުނޑި ހަމަނުޖެހޭ މީހެއް ކަމަށް ބުނި ނަމަވެސް،އެއީ ހަގީގަތެއް ނޫން ކަމަށެވެ. އަދި އޭނާގެ ޓީމުން، އެ އަންހެން މީހާއާ ވާހަކަދެއްކި ކަމަށާއި، އޭނާއަކީ އަދި އެފަދަ ހާލެއްގައި ހުރި މީހެއްކަން ކަށަވަރު ނުވާ ކަމަށް ގުޕްތާ ބުންޏެވެ. ގުޕްތާ ބުނިގޮތުގައި، މިހާރު އެކަން ވަނީ ފުލުހުންގެ ސަމާލުކަމަށްވެސް ގެނެސްފައެވެ. އެ އަންހެން މީހާގެ ފިރިމީހާ ބުނާގޮތުގައި، އޭނާގެ އަންހެނުންގެ ސިކުނޑި ހަމަނުޖެހެއެވެ.
އޭނާގެ ގާތުގައި ފާހަނައިން ނުކުންނަން ބުންޏަސް ނުނިކުމޭ. އިންނަނީ އެތާގައި، އަހަރުމެން އޭނާ ޑޮކްޓަރަށްވެސް ދެއްކިން. ނަމަވެސް އޭނާގެ ހާލަތަކަށް ބަދަލެއް ނާދޭ.
– އެ އަންހެން މީހާގެ ފިރިމީހާ ބުނެފައި ވެއެވެ.
ފުލުހުން ބުނެފައި ވަނީ، އެ އަންހެން މީހާއާ ގުޅޭގޮތުން ބަލަން ޖެހޭ ކަންކަން ބެލުމަށްފަހު ފިޔަވަޅު އަޅަން ޖެހޭ ފަރާތްތަކަށް ފިޔަވަޅު އަޅަމުން ގެންދާނެ ކަމަށެވެ.
