ރިޓަޔަރ ކުރަން ނުވިސްނަން ކަމަށް ކުރީގެ އެއްވަނަ ފިރިހެން ޓެނިސް ކުޅުންތެރިޔާ ރޮޖަރ ފެޑެރާ ބުނެފިއެވެ.
ފެޑެރާ މިކަން ހާމަކޮށްފައިމިވަނީ 14 މަސްވަންދެން ކުޅުމާ ދުރުގައި ހުރުމަށްފަހު އެނބުރި އައިސް ކުޅޭ ފުރަތަމަ މުބާރާތުގެ ކުރިން ވާހަކަ ދައްކަމުންނެވެ. ފެޑެރާ ހާމަކުރިގޮތުގައި އޭނާ ކުޅުމުގެ ތެރެއަށް އަނބުރާ އަންނަނީ އޭނާގެ ޓެނިސް ކެރިއަރ އަދި ނުނިމޭ ކަމުގެ އިހްސާސް އޭނާއަށް ކުރެވޭތީއެވެ. އޭނާ ހާމަކުރިގޮތުގައި އުމުރުން 40 އަހަރުގައި އެނބުރި ކުޅުމުގެ ތެރެއަށް އައުމަކީ ވަރަށް މަދުން ނޫނީ ފެންނަ ކަމެއް ނޫން ކަމަށާއި ނަމަވެސް އެނާ މިހާރުހުރީ އަނިޔާއިން އެއްކޮށް ރަނގަޅުވެފައި ކަމަށެވެ.
ގްރޭން ސްލޭމް މުބާރާތް 20 ފަހަރު ކާމިޔާބުކޮށްފައިވާ އަދި ފަހަކަށް އައިސް އުފެދުނު އެންމެ މޮޅު އެއް ޓެނިސް ކުޅުންތެރިޔާ ކަމަށްވާ ފެޑެރާ ވަނީ މިހަފްތާގައި ބޭއްވުމަށް ހަމަޖެހިފައިވާ ގަތަރު އޯޕަން ޓެނިސް މުބާރާތުގައި ވާދަކުރުމަށް ނިންމާފައެވެ. މިއީ މިދިޔަ އަހަރުގެ އޮސްޓްރޭލިއަން އޯޕަންގެ ސެމީފައިނަލްގައި ނޯވަކް ޖޯކޮވިޗްއަތުން ބަލިވިފަހުން ކުޅުމުގެ ތެރެއަށް އެބުރި އައިސް ފެޑެރާ ކުޅޭ ފުރަތަމަ މުބާރާތެވެ.
މިފަހަރުގެ ގަތަރު އޯޕަންގައި ފެޑެރާ ވަނީ އޮޓަމެޓިކުން ދެވަނަ ބުރަށް ދަތުރުކޮށްފަ އެވެ.
ކޮމެންޓު ފޮނުވާ