"ކޮއީ ޖާނޭ ނާ" ފިލްމުގެ ލަވައެއްގައި ސުޕަސްޓަރ އާމިރް ޚާނާއި ނެށުންތެރިޔާ އެލީ އަވްރާމް ފެނިގެންދާނެ ގޮތް އާންމުކޮށްފި އެވެ.
"ކޮއީ ޖާނޭ ނާ" ގައި ހިމަނާ މި ލަވައިން އާމިރު ވެސް އަދި އެލީ ވެސް ފެނިގެން ދަނީ ޚާއްސަ ފެނިލުމަކުންނެވެ.
މި ފިލްމު މިމަހުގެ 26 ވަނަ ދުވަހު ނެރުމަށް ހަމަޖެހިފައި ވީނަމަވެސް، ފިލްމުގެ މި ހާއްސަ ލަވަ އަންނަ ބުދަދުވަހު އާންމުންނަށް ދޫކޮށްލާނެކަމަށް ފިލްމުގެ ޕްރޮޑަކްޝަން ޓީމުން ވަނީ ބުނެފައެވެ. މި ލަވައިގެ ޝޫޓިންގގެ ތެރެއިން ލަވައިގެ ނެށުމުގެ ވީޑިއިއޯއެއް ވަނި މިދިޔަ ފެބުރުވަރީ މަހުގެ ތެރޭގައި ލީކުވެފައެވެ. ވީޑިއޯ ލީކް ވީތާ ގާތްގަނޑަކަށް އެއްމަސް ވެފައިވާއިރު މި ލަވައިގެ އޮފިޝަލް ލުކް މިވަނީ އާންމުކޮށްފައެވެ.
އިންސްޓްގްރާމުގައި މި ފޮޓޯ ހިއްސާކުރަމުން އެލީ ޖަހާފައިވަނީ އޭނާއަށް ނިސްބަތްކޮށް ސްޓޭޖުގެ ރާނީ އަދި އާމިރަށް ނިސްބަތްކޮށް "ޖެކް އޮފް އޯލް ޓްރޭޑްސް" މިހެންނެވެ. މި ފޮޓޯގައި މި ދެމީހުން ފެނިގެން ގޮސްފައިވަނީ ލީކުވި ވީޑިއޯ ގައިވެސް ލައިގެން ހުރި ހެދުމުގައެވެ. އެގޮތުން އާމިރު ޚާން ގަދަ ނޫކުލައިގެ ސޫޓެއް ލާފައި ހުރި އިރު އެލީހުރި ރީތި ވިދާ ހެދުމެއްގައެވެ. މި ލަވައަކީ އަމިން ހާޖީގެ ފިލްމު "ކޮއީ ޖާނޭ ނާ"ގެ ލަވައެކެވެ.
View this post on Instagram
މި ލަވަ ކޮމްޕޯސް ކޮށްފައިވަނީ ތަނިޝްކް ބަގްޗީއެވެ. އަދި ލަވައިގެ ލިރިކްސް ލިޔެފައިވަނީ އަމީތާބް ބައްޓާޗަރިޔާ އެވެ.
"ކޮއި ޖާނެ ނާ" އަކީ ސައިކޮލޮޖިކަލް ތްރިލާ އެކެވެ. މި ފިލްމުގެ ލީޑު ރޯލުން ފެނިގެން ދާނީ ކުނާލް ކަޕޫރާއި އަމީރާ ދަސްތޫރެވެ. މިއީ ބޫޝަން ކުމާރްގެ ޓީ ސީރީޒުން ޕްރޮޑިއުސް ކޮށްފައިވާ ފިލްމެކެވެ.
