މިދަކީ ރައްޖޭގެ އެންމެ ގިނަބަޔަކުު ދިރިއުޅެމުންދާ ހުޅުމާލެ މަޝްރޫޢުއަށް 23 އަހަރު ފުރުނު ދުވަހެވެ. މިއަދު ހުޅުމާލޭގައި އެތައްހާސް ރައްޔިތުންނެއް ދިރިއުޅެމުންދާއިރު މިމަޝްރޫޢަކީ ރައީސް އަލްއުޘްތާޒު މައުމޫން އަބްދުލް އަބްދުލް ޤައްޔޫމް އިސްނެންގެވުމުގެ މަތީން ފެށި ބިޔަ މަޝްރޫޢެކެވެ. މިއަދު ހުޅުމާލޭގެ ފޭސް އެކެއްފުރި ފޭސްދޭއްވެސް ހިއްކައި މީހުންވަނީ ދިރިއުޅެން ފަށާފައެވެ.
މީގެ 23 އަހަރު ކުރިން 1997 ވަނަ އަހަރުގެ އޮކްޓޯބަރު މަހުގެ 16 ވަނަ ދުވަހު ހުޅުމާލެ ތަރައްޤީގެ މަޝްރޫޢު ފެއްޓެވުމަށް ބޭއްވި ރަސްމިއްޔާތުގައި ވާހަފުޅު ދައްކަވަމުން ރައީސް މައުމޫން ވިދާޅުވީ މި މަޝްރޫޢުއަކީ ވަރަށްގިނަ ބައެއްގެ އުއްމީދުތައް އެ މަޝްރޫޢެއްގެ ކާމިޔާބީއާ ގުޅިފައިވާ މަޝްއެއް ކަމަށެވެ. މިއީ ރާއްޖޭގެ ރައްޔިތުންގެ ވަރަށް ގިނަ ބައެއްގެ އަސާސީ ބޭނުންތައް ފުއްދަވައިދެއްވުމަށްޓަކައި ފައްޓަވާ މަޝްރޫޢެއްކަމުގައި ވަނީ ވިދާޅުވެފަ އެވެ. ރައީސް މައުމޫން ވިދާޅުވީ ރާއްޖޭގެ ރައްޔިތުންނަށް ހިޔާވަހިކަން ހޯއްދަވައިދެއްވުމަކީ ސަރުކާރުން ވަރަށް ބޮޑު އިސްކަމެއް ދެއްވައިގެން ކުރައްވަމުން ގެންދަވާ މަސައްކަތެއްކަމަށެވެ.
މިއަދު ހުޅުމާލެ ފެނިގެންދަނީ ބައިބޯ ތަރައްޤީގެ އެތައް މަޝްރޫޢެއް ކުރިއަށްދާ ރާއްޖޭގެ އެންމެ ތަހުޒީބު އެއްސިޓީގެ ގޮތުގައެވެ. އެތައް ހާސް ރައްޔިތުންނަށް ދިރިއުޅެވޭނެހެން ރޯހަސްއާއި، ފްލެޓާއި، ގެދޮރުދަނީ އަޅަމުންނެވެ. އޮފީސް އިމަރާތްތަކައި، ވިޔަފާރި ސެންޓަރުކާއި، ހޮސްޕިޓަލުތަކާއި ސްކޫލާއި، ކުޅިވަރު ވަސީލަތްތައްވެސް ހުޅުމާލޭގައި ދަނީ ތަރައްޤީ ކުރަމުންނެވެ.
ވެރިކަމަށް އަންނަ ކޮންމެ ސަރުކާރެއްގެވެސް އެންމެބޮޑު މަސައްކަތަށް މިއަދު ވެފައިވަނީ ހުޅުމާލޭގެ ތެރައްޤީގެ ޕްލައިން ބަދަލުކޮށް މުޅިން އާކަންތައްތަކެއް ކޮށްދެއްވުމެވެ. ނިމިދިޔަ ރައީސް އަބްދުﷲ ޔާމީންގެ ވެރިކަމުގައި އެމަނިކުފާނުވަނީ ބޭބޭފުޅު ރައީސް މައުމޫން ހުޅުމާލެއަށް ގެނެސްދެއްވަން ތަސައްވަރު ކުރެއްވި ތަރައްޤީގެ ބޮޑުބައެއް ކަށަވަރު ކޮށްދެއްވާފައެވެ. ބޯހިޔާވަހިކަމަށް އެތަކެއް ފްލެއްޓެއް އަޅުއްވައި ދެއްވި އެވެ. މާލެއާއި ހުޅުމާލެއާއި ދެމެދު ބްރިޖެއް އަޅުއްވައިދެއްވިއެވެ. މިނޫންވެސް އެތައްކަމެއް ވަނީ ކޮށްދެއްވާފައެވެ.
މިސަރުކާރުގެވެސް ތަރައްޤީގެ އެންމެބޮޑު ޕްލައިނެއް އޮތް އޮތް ސިޓީއަކީ ހުޅުމާލެއެވެ. ހުޅުމާލެއަށް މިސަރުކާރުން ކުރާ އުންމީދުތައްވެސް ކުޑައެއްނޫނެވެ. ބޯހިޔާވަހިކަން ފޯރުކޮށް ދިނުމަށް ބޭނުންވާ ފްލެޓާއި، ކުޅިވަރު ވަސީލަތްތަކާއި، ވިޔަފާރީގެ އާކަންތައްތަކެއް ހުޅުމާލޭގައި ކުރުމަކީ މިއަދު މިސަރުކާރުގެވެސް އުންމީދެކެވެ.
ހުޅުމާލެ ތަރައްޤީ ކުރުމަށްފަހު މީހުން ދިރިއުޅެން ފެށިތާ މިހާރު ވަނީ 16 އަަހަރުވެފަ އެވެ. މިއަދު ހުޅުމާލެއަކީ ކުރިއަރަމުން އަންނަ ތަރައްޤީގެ އާއުސްމިންތަކަށް ވާސިލްވަމުންދާ އުންމީދީ މަންޒިލެކެވެ.
