ކަންގަނާ ރަނާވަތު ގަބޫލުކުރާ ގޮތުގައި އޭނާއަކީ މުޅި އިންޑިއާގައި ވެސް ހުރި އެންމެ "ބެސްޓު" ފިލްމު ކުޅުންތެރިޔާ އެވެ. މީގެ އިތުރުން އޭނާއަކީ ކެއްކުމުގައި އަރާހުރި ފަންނާނެއް ކަމަށްވެސް އޭނާވަނީ ބުނެފައެވެ.
ބުރާސްފަތި ދުވަހު އޭނާ ވަނީ އޭނާ ހެދުނުގެ ނާސްތާއަށް ހަދާފައިވާ ސްމޫތީ ތަށްޓެއް ފޭނުންނާއި ހިއްސާކޮށްފަ އެވެ. އަދި މި ފޮޓޯހިއްސާ ކުރަމުން ކަންގަނާ ބުނެފައިވަނީ މި ކެއުން ތައްޔާރު ކުރީ އޭނާ އަމިއްލައަށް ކަމަށެވެ. އަދި އެއީ އެއްވެސް ޕޮރޮފެޝަނަލް ޝެފް އެއްގެ މަސައްކަތެއް ނޫންކަމަށެވެ.
އޭނާ މިހެން ބުނެފައިވަނީ އޭނާ މި ފޮޓޯ ހިއްސާ ކުރުމަށްފަހު ބައެއް ބެލުންތެރިން އެހެން ބުނެފައިވާތީއެވެ. ކަންގަނާ މިހެން ޓްވީޓު ކުރުމުން ބައެއް މީހުން ވަނީ އެއީ ފޭކު ފޮޓޯއެއް ކަމަށާއި އެއީ އޭނާ ގޫގުލްއިން ނަގާފައިވާ ފޮޓޯއެއް ކަމަށް ބުނެ ކޮމެންޓްކޮށްފަ އެވެ.
Hahahaha can’t believe some people are mistaking this picture from my van this morning for some international professional chef’s famous blog, I knew I am good but sooo good like a professional…. seriously had no clue. Thrilled to know I am awesome at everything that I do ❤️ pic.twitter.com/hmBok2Rr0S
— Kangana Ranaut (@KanganaTeam) March 4, 2021
މިކަމަށް ޖަވާބު ދެމުން ކަންގަނާ ބުނެފައިވަނީ ހުރިހާ އިންފުލުއެންޒަރުންނަށް އޭނާގެ "މީމް" ހަދައިގެން ފޮނުވާކަން އޭނާއަށް އެނގޭ ކަމަށާއި، އެއީ އޭނާ ލަދުގަންނަވާލަން ކުރާ ކަމެއް ކަމަށެވެ. އިތުރަށް ޓްވީޓު ކުރަމުން ކަންގަނާ ބުނެފައިވަނީ ހަމައެކަނި މިދިޔަ ހަފްތާގައިވެސް އޭނާއަށް އިންސްޓަގްރާމުން 5 ލައްކަ އަށްވުރެ ގިނަ ފޮލޯވާސް ގެއްލިފައި ވާކަމަށެވެ. އެއީ ކަންގަނާ ބުނަމުން އަންނަ "ބޮލީވުޑްގެ މާފިއާ" އިން އޭނާއާ ދެކޮަޅަށް ހިންގާ ކަންކަމުގެ ސަބަބުން ކަމަށްވެސް އޭނާ ވަނީ ބުނެފައެވެ.
މީގެ އުތުރުން އޭނާ ބުނެފައި ވަނީ، މީހަކު އުފަލުގައި އުޅެންޏާ "ބޮލީވުޑް މާފިއާ ގޭންގުން" އެމީހެއް ބޯއިކޮޓްކޮށް އުދަގޫކޮށް ހަދާ ކަމަށެވެ. އަދި ސުޝާންތުގެ މަރަކީވެސް ހަމަ މިގޮތަށް ހިނގި ކަމެއްކަމަށް ވެސް އެނާގެ ޓްވީޓުގައި ބުނެފައި ވެއެވެ.
