ސީރިއާގައި ހިނގަމުންދާ ދަޚިލީ ހަނގުރާމާގައި ބައިވެރިވުމަށްފަހު އެނބުރި ރާއްޖެއައި 34 އަހަރުގެ ދިވެހި ފިރިހެނަކު މިރޭ ވަނީ ހައްޔަރުކޮށްފި އެވެ.
މިމީހާގެމާބޮޑު ތަފްސީލެއް ފުލުހުން ހާމަކޮށްފައި ނުވެއެވެ. ކަމިޝަނާ އޮފް ޕޮލިސް މުހައްމަދު ހަމީދުވެސް ވަނީ މިމީހާ ހައްޔަރުކޮށްފައިވާކަމަށް ޓްވީޓް ކުރައްވާފަ އެވެ.
We have just arrested a 34 year old Maldivian male who arrived in Maldives today. The individual is suspected to have taken part in terrorist activities in Syria. He appears on our potential list of Maldivian FTFs. Investigation is underway.
— Mohamed Hameed (@M_Hameedh) October 15, 2020
މިމައްސަލަ ފުލުހުންގެ ސީރިއަސް އެންޑް އޯގަނައިޒް ކްރައިމް ޑިޕާޓްމަންޓުން ދަނީ ތަހުގީގް ކުރަމުންނެވެ.
ބޭރު ޤައުމުތަކަށް ހަނގުރާމައަށް ގޮސް ގިނަ އަދަދެއްގެ ދިވެހިން މަރުވެފައިިވާކަމަށް ބައެއް ރިޕޯޓްތައް ބުނެއެވެ. މިދިޔަ އަހަރުގެ ތެރޭގައި އަފްޣާނިސްތާން ސަރުކާރުން ހައްޔަރުކުރި 243 އައިއެސް ހަނގުރާމަވެރިންގެ ތެރޭގައި ދިވެހިން ހިމެނޭކަމަށްވެސް އެ ޤައުމުގެ މީޑިއާއިން ވަނީ ރިޕޯޓްކޮށްފައެވެ.
ހަރުކަށި ފިކުރު ފެތުރުމާއި، ބޭރު ޤައުމުތަކުގައި ހިނގާ ހަނގުރާމަތަކަށް މީހުން ރެކްރޫޓްކުރުމުގައި އިސްކޮށް ހަރަކާތްތެރިވާކަމުގެ ތުހުމަތުގައި މިދިޔަ އަހަރުވެސް ރާއްޖެއިން ވަނީ މީހަކު ހައްޔަރުކޮށްފަ އެވެ.
ޓެރަރިޒަމްގެ ހަރަކާތްތައް ރާއްޖެއިން ނައްތާލައި ކުރިމަތިވެފައިވާ ނުރައްކަލުން ރާއްޖެ ސަލާމަތް ކޮށްދެއްވާނެ ކަމުގައި ރައީސުލްޖުމްހޫރިއްޔާ އިބްރާހިމް މުހައްމަދު ޞާލިހުވަނީ ވިދާޅުވެފަ އެވެ.
ކޮމެންޓު ފޮނުވާ