ފިލްމު "ދިލްސޭ"ގެ ލަވަ "ޖިޔާ ޖަލޭ"ގެ ނެށުމަށް ޖޯކު ޖަހަމުން ބަތަލާ ޕްރިތީ ޒިންތާ މަޖާ ޕޯސްޓެއް ހިއްސާކޮށްފި އެވެ. މި ލަވައިގެ ނެށުމަކީ ފަރާ ޚާން ކޮރިއޯގްރާފްކޮށްފައިވާ ނެށުމެކެވެ.
އަދި މި ލަވަ އަކީ 1998 ވަނަ އަހަރު އެންމެ ހިޓް ލަވަތަކުގެ ތެރޭގައި ހިމެނުނު ލަވައެކެވެ. ޕްރިތީ ހިއްސާކޮށްފައިވާ ޕޯސްޓުގައި ވަނީ އެލަވައިގައި އެތް ތަކެއް ބަރިއަކަށް ބަހައްޓާފައި ކުރިމަތީގައި ޕްރިތީ ނަށަން ހުރި ފޮޓޯއެކެވެ.
އަދި މި ޕޯސްޓު ހިއްސާކުރަމުން ލިޔެފައިވަނީ އެތް ތައްވެސް އެތިބީ އޭނާ ކުރަނީ ކީއްކަމެއް ނޭނގިފައިކަމަށާއި އޭނާ ބަސްއަހައިގެން ކަންތައްކުރީ ފަރާ ބުނިގޮތަށްކަމަށެވެ. އަދި މި ފޮޓޯއަކީ ދިލް ސޭގެ ޝޫޓުން ޕްރިތީއަށް އެންމެ ކަމުދާ ފޮޓޯކަމަށްވެސް ލިޔެފައިވެއެވެ.
View this post on Instagram
މި ފޮޓޯ ފެނިފައި އެތަށް ފޭނުންނަކާއި ޕްރިތީގެ ރައްޓެހިންވަނީ މަޖާކޮށް ކޮމެންޓުކޮށްފަ އެވެ. ކޮމެންޓުތަކުގައި ލިޔެފައިވަނީ ޕްރިތީ އަބަދުވެސް ފެންނަލެއް ރީތިކަމުން އެއްތައްވެސް ކޮސްވެފައި ބަލަންތިބީ ކަމަށެވެ.
ފިލްމު "ދިލް ސޭ" ގައި ލީޑު ރޯލުން ފެނިގެންގޮސްފައިވަނީ ޕްރިތީ ޒިންތާއާއެކު ޝާހްރުކް ޚާން އަދި މަނީޝާ ކޮއިރާލާ އެވެ.
