ޗިޓު ހަވާލުނުކުރެވިގެން މީހަކު ހޯދަން އިއުލާންކޮށްފި

މަކަރާއިޚީލަތް ހެދުމުގެ މައްސަލައިގެ ތަހުގީގަށް މީހަކު ހޯދަން ފުލުހުން އިއުލާން ކޮށްފި އެވެ.

ފުލުހުން ހޯދަން އިއުލާން ކޮށްފައިވަނީ ސ. ހިތަދޫ، އޯކިޑްވިލާ، މޫސާދީދީ (51އ) A053765 އެވެ. އޭނާއަށްވަނީ މިމަހުގެ 18 ވަނަ ދުވަހުގެ ހެނދު 10 ޖަހާއިއަށް ޝަހީދު ޙުސައިން އާދަމް ބިލްޑިން އަށް ހާޒިރުވުމަށް އިއުލާންކޮށްފަ އެވެ.

މީނާ ހޯދުމަށް ފުލުހުން އިއުލާން ކޮށްފައިވަނީ ފުލުހުންގެ ޖެނެރަލް އިންވެސްޓިގޭޝަނުން ތަހުގީގު ކުރަމުންދާ މައްސަލައެއްގެ ތަހުގީގަށް މީހަކު ހާޒިރުކުރުމަށް ބޭނުންވެ، އުޅޭ ވަކިތަނެއް ނޭނގުމުގެ ސަބަބުން ތަހުގީގަށް ހާޒިރުވުމަށް ޗިޓް ރައްދުކުރެވިފައިނުވާތީ، ޖިނާއީ މައްސަލަތައް ތަޙުޤީޤުކުރުމުގައި ފުލުހުން ޢަމަލުކުރާނެ އިޖުރާއަތުގެ ޤަވާއިދުގެ 27 ވަނަ މާއްދާގައި ވާގޮތުގެ މަތިން ތަހުގީގަށް ހާޒިރުކުރުމަށް ކަމަށެވެ.