ދިވެހި އުފެއްދުންތެރިކަމުގެ މައުރަޒު 2026 ގެ އެންމެ މަތީ ޝަރަފު ކަމަށްވާ "ރަން 5 ވަނަ" ހާސިލުކުރި ފަރާތްތަކަށް ރައީސް ޑރ. މުހައްމަދު މުއިއްޒު އެވޯޑާއި ފައިސާގެ އިނާމު ހަވާލުކޮށްދެއްވައިފިއެވެ. މި ރަސްމިއްޔާތު ބޭއްވީ ރޭ ބާސެލޮސް ނަސަންދުރާގައެވެ.
ރަން 5 ވަނައަށް ހޮވުނީ ކްރިއޭޓިވް އާޓްސް އެންޑް ޑިޒައިން ކެޓަގަރީން މަރިޔަމް ޝަހުމާގެ "މެމޮރީ އޮފް ދަ ޓައިޑްސް"، ލަކުޑީގެ އުފެއްދުންތަކުގެ ކެޓަގަރީން ޢަބްދުއްރަޝީދު ޙަސަންގެ "ދޯނި"، ޖުވެލަރީ އެންޑް އެކްސެސަރީޒް ކެޓަގަރީން އުޝާ އާދަމްގެ "ތުންޑު ކުނާ"، އިންފޮމޭޝަން އެންޑް ކޮމިއުނިކޭޝަން ޓެކްނޮލޮޖީ ކެޓަގަރީން މުޙައްމަދު ޔާނިއު ރަމީޒުގެ "އަވަސް އެޕް" އަދި އިމާރާތްކުރުމުގެ ދާއިރާއިން އާދަމް މަންޞޫރުގެ "ކަޅުވަކަރު މިސްކިތް" އެވެ. މީގެ ތެރެއިން ފުރަތަމަ ތިން އުފެއްދުމަކީ އަމިއްލަ ފަރުދުންގެ އުފެއްދުންތަކެއް ކަމުގައި ވާއިރު، ބާކީ ދެ އުފެއްދުން ހިމެނެނީ ވިޔަފާރި ދާއިރާގައެވެ.
ރަސްމިއްޔާތުގައި ޖުމްލަ 298 އެވޯޑު ދީފައިވާއިރު، އޭގެ ތެރޭގައި އެކި ދާއިރާތަކުން އެއްވަނަ ހޯދި 116 ފަރާތާއި ދެވަނަ ހޯދި 95 ފަރާތާއި ތިންވަނަ ހޯދި 82 ފަރާތް ހިމެނެއެވެ. މީގެ އިތުރުން ނުކުޅެދުންތެރިކަން ހުންނަ ފަރާތްތަކުގެ ކެޓަގަރީން 14 ބައިވެރިއަކަށް 76 އެވޯޑު ދީފައިވެއެވެ.
ކޮމެންޓު ފޮނުވާ