އަމީނީ މަގުގެ ދެ ސެގްމެންޓު ހުޅުވާލައިފި

އަމީނީ މަގުގެ ހުޅަނގު ކޮޅުގައި ހަލާކުވެފައިވާ ސަރަޙައްދުގައި އަލުން ތާރުއަޅައި ނިންމާލުމާއެކު، އެމަގުގެ ފުރަތަމަ ދެ ސެގްމެންޓު މިއަދު ދަތުރުފަތުރަށް ހުޅުވާލައިފިއެވެ. މި ޚަބަރު ހާމަކުރައްވާފައިވަނީ ބިނާ، ގެދޮރުވެރިކަމާއި ޢުމްރާނީ ތަރައްޤީއާ ބެހޭ ވުޒާރާއިންނެވެ.

މި މަޝްރޫޢު ދައުލަތުގެ ކުންފުނި އެމްޓީސީސީއާ ޙަވާލުކުރީ މިދިޔަ ޖޫން 15 ގައެވެ. އޭގެ ތެރެއިން މިހާތަނަށް ނިންމާފައިވަނީ ދިވެހިރާއްޖޭގެ އަޑުން ދަރުމަވަންތަ ހޮސްޕިޓަލާ ހަމައަށާއި، ރާއްޖޭގެ އަޑު ކައިރީގެ ހަތަރުއަނގޮޅި ކަންމަތީގެ މަސައްކަތެވެ. ގާތްގަނޑަކަށް 3,000 އަކަމީޓަރުގެ ސަރަޙައްދެއްގެ ބާ ތާރު ނަގައި، ސަބްގްރޭޑް، ސަބްބޭސް އަދި އޭބީސީ ފަށަލަ އެޅުމަށްފަހު އައު ތާރުގަނޑެއް އަޅައި ވަނީ ޒަމާނީ ފެންވަރަށް ތަރައްޤީކޮށްފައެވެ.

މަޝްރޫޢުގެ ތިންވަނަ ސެގްމެންޓުގެ މަސައްކަތް އަންނަ އާދީއްތަ ދުވަހު ފަށާނެއެވެ. މި ފިޔަވަހީގައި ހިމެނެނީ އިއްޒުއްދީން މަގުން ފެށިގެން ކޯރުކެނޑި ހިނގުމާ ހަމައަށެވެ. މި މަސައްކަތުގެ ސަބަބުން މިރޭ ދަންވަރު 12:00 އިން ފެށިގެން އެ ސަރަޙައްދުގެ ޓްރެފިކަށް ބަދަލު ގެނެސް، އެހިސާބުގައި ޕާކުކޮށްފައިވާ އުޅަނދުތައް ނަގައިދިނުމަށް ފުލުހުން ވަނީ އެދިފައެވެ. ހަތަރުވަނަ ސެގްމެންޓުގެ ގޮތުގައި ކޯރުކެނޑި ހިނގުމުން ޣިޔާސުއްދީން އިންޓަރނޭޝަނަލް ސްކޫލާ ހަމައަށް ތާރުއަޅައި، މަގުމަތީ ނިޝާންތައް ކުރެހުމަށް ވެސް އެމްޓީސީސީން ވަނީ ރާވާފައެވެ.

ބަހާއި ބަރު އުޅަނދުތައް ގިނައިން ދުއްވާ މަގެއް ކަމުގައިވާ އަމީނީ މަގުގެ މާފަންނާ ކޮޅުގައި ބޮޑެތި ވަޅުގަނޑުތައް ހެދި، ދުއްވާ ފަރާތްތަކަށް ދަތިތަކެއް ކުރިމަތިވަމުން އައުމުން، ސަރުކާރުން އިސްނަގައިގެން މި މަރާމާތު ފެށީއެވެ.

މާލޭގެ މަގުތައް ތަރައްޤީކުރުމުގެ ބޮޑު މަޝްރޫޢުގެ ބައެއްގެ ގޮތުން، ހުޅަނގު ބޭރުމަގު ހެދުމަށް ވެސްޓް ޕާކް ސަރަޙައްދުގައި ފެންހިންދާ ނިޒާމު ޤާއިމުކުރުމުގެ މަސައްކަތް ވެސް މިހާރު ކުރިއަށް ދެއެވެ. މީގެ ކުރިން ހެންވޭރު ފެރީ ޓަރމިނަލުން ނޯތު ހާބަރާ ހަމައަށް ބޮޑުތަކުރުފާނު މަގު ތަރައްޤީކޮށް ނިމުމާއެކު، ދަތުރުފަތުރަށް ވަރަށް ބޮޑު ލުއިފަސޭހައެއް ލިބިފައިވެއެވެ.