ރ. އަނގޮޅިތީމުގައި 72 އަހަރުގެ އަންހެނަކަށް ޖިންސީ ގޯނާކޮށް، މަރާލާނެ ކަމަށް އިންޒާރުދިން ތުހުމަތުގައި ހައްޔަރުކުރި 44 އަހަރުގެ ފިރިހެނެއްގެ ބަންދަށް ކޯޓުން 15 ދުވަސް ޖަހައިފިއެވެ.
ފުލުހުން ބުނީ، ތުހުމަތުކުރެވޭ މީހާ ގެއަކަށް ވަދެ، އެ އަންހެން މީހާއަށް ގަދަކަމުން ޖިންސީ ގޯނާކުރި ކަމުގެ ރިޕޯޓު ލިބުނީ ސެޕްޓެމްބަރު 27 ވަނަ ދުވަހުގެ ރޭ 8:30 ހާއިރު ކަމަށެވެ. އޭގެ ފަހުން ސެޕްޓެމްބަރު 28 ވަނަ ދުވަހުގެ ރޭ 21:57 ހާއިރު، ކޯޓު އަމުރަކާ އެކު އޭނާ ހައްޔަރުކުރިއެވެ.
ހާދިސާގައި އަނިޔާވި އަންހެން މީހާއަށް އަނގޮޅިތީމު ހެލްތު ސެންޓަރުގައި ފަރުވާދީފައި ވަނީ ދޫކޮށްލާފައެވެ.
މި މައްސަލައިގެ އިތުރު ތަހުގީގު ފުލުހުން ކުރިއަށް ގެންދަމުންދާ ކަމަށް ބުނެއެވެ.
ކޮމެންޓު ފޮނުވާ