ޝިއާއު މުހައްމަދު ސައީދު އަނިޔާވެރި ގޮތަކަށް މަރާލި މައްސަލައިގައި ދައުވާ ލިބޭ ސާހިލް އަލީގެ ޝަރީއަތުގެ އަޑުއެހުންތައް ކްރިމިނަލް ކޯޓުން ނިންމާލައި، ކުރިއަށް އޮތް އެއް މަސް ދުވަހުގެ ތެރޭގައި ހުކުމް އިއްވުމަށް ތައްޔާރުވެއްޖެ އެވެ.
ފ. ނިލަންދޫ ފިނިފެންމާގެއަށް ނިސްބަތްވާ ސާހިލްގެ މައްޗަށް ފަސް ދައުވާއެއް ކުރެވިފައިވާއިރު، މީގެ ތެރެއިން ދެ ދައުވާ ސާބިތުވެ، ތިން އަހަރަށް ޖަލަށްލުމަށް ކްރިމިނަލް ކޯޓުން ކުރިން ވަނީ ހުކުމް ކޮށްފަ އެވެ. ބާކީ ތިން ދައުވާގެ އަޑުއެހުންތައް މިދިޔަ ހަފުތާގައި ނިންމާލާފައިވާ ކަން ޕްރޮސެކިއުޓާ ޖެނެރަލްގެ އޮފީހުން ވަނީ ކަށަވަރުކޮށްދީފަ އެވެ.
ޏ. ފުވައްމުލަކަށް ނިސްބަތްވާ ޝިއާއުގެ ހަށިގަނޑަށް ބޮޑެތި އަނިޔާތަކެއް ދީ، މާލޭގެ ގެއެއްގެ ތެރޭގައި މަރާލާފައި އޮއްވާ ފެނުނީ 2022 ވަނަ އަހަރުގެ އޮގަސްޓު މަހު އެވެ. ދައުލަތުން އެދިގެން މި މައްސަލައިގެ ޝަރީއަތް ކުރިއަށް ގެންދިޔައީ ސިއްރު އަޑުއެހުންތަކެއްގެ ގޮތުގަ އެވެ.
ކޮމެންޓު ފޮނުވާ