އެމެރިކާގެ ސްޓޭޓް ޑިޕާޓްމަންޓުން އިޒްރޭލާއި ލުބުނާނާ ދެމެދު ވެވުނު 14 ނުކުތާގެ އެއްބަސްވުމުގެ އޮނިގަނޑު އާންމުކޮށްފިއެވެ.
މި އެއްބަސްވުމުގެ މައިގަނޑު މަގުސަދަކީ ލުބުނާނުގެ މުޅި ސަރަހައްދުގައި އެ ގައުމުގެ ރަސްމީ އަސްކަރިއްޔާގެ ބާރު ފުރިހަމައަށް ގާއިމުކުރުމެވެ. މީގެ ދަށުން، ދައުލަތުގެ ބާރުގެ ދަށުގައި ނުވާ ހުރިހާ ހަތިޔާރު އެޅި ޖަމާއަތްތައް ހުއްޓުވައި، އެފަރާތްތަކުގެ އަސްކަރީ ވަސީލަތްތައް ނައްތާލުމަށް ވަނީ އެއްބަސްވެފައެވެ. އަދި މިކަންކަން ތަންފީޒުވަމުންދާ މިންވަރަކުން އިޒްރޭލުގެ ސިފައިން ލުބުނާނުގެ ސަރަހައްދުތަކުން މަޑުމަޑުން ފައިބަމުން ދާނެކަމަށް ބަޔާންކޮށްފައިވެއެވެ.
މި ނިންމުންތައް ރަނގަޅަށް ކުރިއަށްދާކަން ކަށަވަރުކުރުމަށްޓަކައި ޚާއްސަ ނިޒާމެއް ގާއިމުކުރާނެކަމަށްވެސް އެމެރިކާއިން ހާމަކޮށްފައިވެއެވެ. މިއީ މެދުއިރުމަތީގައި ހިނގަމުންދާ ހަމަނުޖެހުންތަކަށް ސުލްހަވެރި ހައްލެއް ގެނައުމަށް އެޅޭ ވަރަށް މުހިންމު ފިޔަވަޅެއްގެ ގޮތުގައި ބައިނަލްއަގުވާމީ ދުނިޔެއިން ދެކެއެވެ.
ކޮމެންޓު ފޮނުވާ