ދުނިޔޭގެ އެކި ޤައުމުތަކުގައި ދިރިއުޅޭ މިލިއަނަކަށްވުރެ ގިނަ މުސްލިމުން އެއްވެ، މިއަހަރުގެ އަޟްޙާ ޢީދު ވަރަށް ކުލަގަދަކޮށް ފާހަގަކުރަން ފަށައިފިއެވެ.
އިސްލާމީ އުއްމަތުގެ އެންމެ ބޮޑު ޢީދުގެ ފެށުން، މުސްލިމުން ފާހަގަކޮށްފައިވަނީ ސުންނަތާ އެއްގޮތަށް ބޮޑު ޖަމާޢަތުގައި ކުރެވުނު ޢީދު ނަމާދުންނެވެ. ތުރުކީވިލާތާއި، އަޒަރުބައިޖާނާއި، ފަލަސްތީނުގެ މަސްޖިދުލް އަޤްޞާގެ އިތުރުން މެދުއިރުމަތީގެ ޢަރަބި ޤައުމުތަކުގައި އެތައް ހާސް ބަޔަކު ވަނީ ޢީދު ނަމާދަށް މިސްކިތްތަކަށް ޖަމާވެފައެވެ. ހަމައެއާއެކު، ޔޫރަޕްގެ ޤައުމުތައް ކަމަށްވާ އިޓަލީ، ސްވިޒަލޭންޑް، ނެދަލެންޑްސް އަދި ޖަރުމަނުވިލާތުގައި ދިރިއުޅޭ މުސްލިމުންވެސް ވަނީ މައިދާންތަކަށާއި މިސްކިތްތަކަށް އެއްވެ ޢީދު ނަމާދުކޮށް، އެކަކު އަނެކަކަށް ޢީދުގެ ތަހުނިޔާ އާއި ސަލާމް ބަދަލުކޮށްފައެވެ.
ކޮމެންޓު ފޮނުވާ