ކްރިމިނަލް ކޯޓުގެ އަމުރަކާ ޚިލާފުވުމާ ގުޅިގެން، 'އަދަދު' ނޫހުގެ ނޫސްވެރިޔާ މުޙައްމަދު ޝަހްޒާން މިއަދު ރައީސުލްޖުމްހޫރިއްޔާގެ އޮފީހުން ނެރެފިއެވެ. އޭނާ ނެރެފައިވަނީ ރައީސް ޑރ. މުޙައްމަދު މުޢިއްޒު ބޭއްވެވި ނޫސްވެރިންގެ ބައްދަލުވުމެއްގެ ތެރެއިންނެވެ.
މި ކަން ހިނގާފައިވަނީ، 'އަދަދު' ނޫހުން ދާދިފަހުން އާންމުކުރި ޑޮކިއުމެންޓްރީއަކާ ގުޅޭގޮތުން ޝަހްޒާން ކުރި ސުވާލަކީ ކޯޓުން ނެރެފައިވާ 'ގޭގް އޯޑަރ' އާ ޚިލާފު ކަމެއްކަމަށް ރައީސް ފާހަގަކުރެއްވުމާ ގުޅިގެންނެވެ. ކްރިމިނަލް ކޯޓުން އިއްޔެ ނެރުނު އަމުރުގައި ވަނީ، އެ ޑޮކިއުމެންޓްރީ މުޖުތަމައުގައި ދައުރުނުކުރުމަށާއި، އޭގައިވާ އެއްވެސް ވާހަކައެއް ސީދާކޮށް ނުވަތަ ނުސީދާކޮށްވެސް ނުދެއްކުމަށް އަންގާފައެވެ.
ޝަހްޒާންގެ ސުވާލަށް ރައްދުދެއްވަމުން ރައީސް މުޢިއްޒު ވިދާޅުވީ، ރައީސް އޮފީހުގައި ގާނޫނީ ސިޔާދަތު (ރޫލް އޮފް ލޯ) ފުރިހަމައަށް ހިފަހައްޓަވާނެ ކަމަށެވެ. އަދި އެމަނިކުފާނާ ގުޅުވައިގެން ދައްކަނީ ކަނޑައެޅިގެން އެއްވެސް ހަގީގަތެއް ނެތް ދޮގު އިލްޒާމްތަކެއްކަން ތަކުރާރުކުރައްވައި، ކޯޓުތަކުގެ އަމުރުތަކަށް އިހުތިރާމްކުރަންޖެހޭނެ ކަމަށް ވިދާޅުވިއެވެ. މީގެ އިތުރުން، ގާނޫނާ ޚިލާފު އެއްވެސް އަމަލަކަށް އެމަނިކުފާނު ޖާގަ ނުދެއްވާނެކަމަށްވެސް ރައީސް ވަނީ ވިދާޅުވެފައެވެ.
ކޮމެންޓު ފޮނުވާ