އެފްއޭއެމްގެ ފައިސާއަށް ޚިޔާނާތްތެރިވި މައްސަލައިގައި އަމީން ކޮންސްޓްރަކްޝަން ޕްރައިވެޓް ލިމިޓެޑްގެ މައްޗަށް ހުށަހެޅި މަނީ ލޯންޑަރކުރުމަށް އެހީތެރިވުމުގެ ކުށުގެ ދަޢުވާ ސާބިތުނުވާކަމަށް ކްރިމިނަލް ކޯޓުން މިއަދު ކުރި ޙުކުމަށް ފަހު، ޕްރޮސެކިއުޓަރ ޖެނެރަލް އޮފީހުން މި މައްސަލަ އިސްތިއުނާފު ކުރަން ނިންމައިފިއެވެ.
ޕީޖީ އޮފީހުން ބުނީ، އަމީން ކޮންސްޓްރަކްޝަން ހިމެނޭ މުޢާމަލާތާ ގުޅިގެން ބައްސާމް ޢަދީލް ޖަލީލްގެ މައްޗަށް މަނީ ލޯންޑްރިންގގެ ދަޢުވާ ސާބިތުވާކަމަށް ކްރިމިނަލް ކޯޓުން ޙުކުމްކޮށްފައި ވާއިރު، އެހެން ނަމަވެސް އެ މުޢާމަލާތާ ގުޅިގެން އަމީން ކޮންސްޓްރަކްޝަންގެ މައްޗަށް ހުށަހެޅި ދަޢުވާ ސާބިތުނުވާކަމަށް ކޯޓުން ޙުކުމްކުރީ ޝަރުޢީ އަދި ޤާނޫނީ އުޞޫލުތަކާ ޚިލާފަށްކަމަށް އެ އޮފީހަށް ބެލެވޭތީކަމަށެވެ.
އެހެންކަމުން މި މައްސަލަ ހައިކޯޓުގައި އިސްތިއުނާފު ކުރަން ޤަޞްދުކުރާކަން އެ އޮފީހުން ހާމަކުރެއްވިއެވެ. ނަމަވެސް ފަހު ނިންމުން ނިންމާނީ މައްސަލައިގެ ޝަރީޢަތް ނިމުނު ގޮތުގެ ފުރިހަމަ ރިޕޯޓު ޕީޖީ އޮފީހަށް ލިބުމުންކަމަށް ބުންޏެވެ.
ކޮމެންޓު ފޮނުވާ