2004 ވަނަ އަހަރުގެ ބިރުވެރި ސުނާމީ ކާރިސާގައި ދިވެހިންނާ ވަކިވި ފަރާތްތަކުގެ ހަނދާންތައް އައު ކުރައްވައި، ދިވެހިރާއްޖޭގެ އެއްބައިވަންތަކަމުގެ ރޫހު ދެމެހެއްޓުމަށް ކުރީގެ ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހު ދިވެހި ރައްޔިތުންނަށް އިލްތިމާސްކުރައްވައިފިއެވެ.
އެއްބައިވަންތަކަމުގެ ދުވަހުގެ މުނާސަބަތުގައި މިއަދު މީސްމީޑިއާގައި ހިއްސާކުރެއްވި މެސެޖެއްގައި ރައީސް ސޯލިހު ވިދާޅުވީ، އެ ބިރުވެރި ކާރިސާގެ ދަތި ވަގުތުގައި ދިވެހިން ދެއްކި އެކުވެރިކަމާއި ހިތްވަރަކީ ނަމޫނާ ކަމަށެވެ.
އެކަކު އަނެކަކަށް އެހީތެރިވުމުގައި ދިވެހިން އެދުވަސްވަރު ދެއްކި ރިވެތި މިސާލުން ހިތްވަރު ލިބިގަތުމަށާއި، ކުރިއަށް އޮތް ތަނުގައިވެސް ބަދަހި ބައެއްގެ ގޮތުގައި ދެމިތިބުމުގެ މުހިންމުކަން ރައީސް ސޯލިހު ވަނީ ފާހަގަކުރައްވާފައެވެ. އެމަނިކުފާނު ވަނީ ސުނާމީ ކާރިސާގައި ޝަހީދުވި ފަރާތްތަކުގެ ޛިކުރާއަށް ދުޢާކުރައްވައި، އެ ދުވަހު ދެއްކި ކެތްތެރިކަމާއި ހިތްވަރުގެ ރޫހު ދެމެހެއްޓުމަށް އުންމަތަށް ގޮވާލައްވާފައެވެ.
ދިވެހިން ދުށް ސުނާމީގެ ބިރުވެރި ކާރިސާ ކުރިމަތިވީތާ މިއަދަށް 21 އަހަރު ފުރިފައިވާއިރު، އެއްބައިވަންތަކަމުގެ ދުވަހަކީ އެ ބިރުވެރި ތާރީހީ ހާދިސާގެ ހަނދާންތައް އައު ކުރާ ދުވަހެކެވެ.
ކޮމެންޓު ފޮނުވާ