މާލޭގެ ގެއެއްގައި ދިރިއުޅޭ ދެ ލޯބިވެރިން މާރާމާރީ ހިންގާ އެކަކު އަނެކަކަށް ހަމަލާދީ ޒަހަމްކޮށްލައިފިއެވެ.
ފުލުހުން މައުލޫމާތު ދެމުން ބުނީ މިއަދު ހެނދުނު 10:05 އެހާކަންހާއިރު ހިނގި މި ހާދިސާގައި އުމުރުން 64 އަހަރުގެ ފިރިހެނަކާއި 32 އަހަރުގެ އަންހެނަކު ބައިވެރިވެފައިވާ ކަމަށެވެ.
މި ދެ މީހުންނަކީ ލޯބީގެ ގުޅުމެއްގައި އުޅޭ ބައެއް ކަމަށާއި، އެ ދެ މީހުންގެ މެދުގައި ހިނގި ޒުވާބެއްގެ ތެރެއިން ހަމަނުޖެހުން ހިނގާފައިވާ ކަމަށް ފުލުހުން ބުންޏެވެ. އެ ހާދިސާގައި 64 އަހަރުގެ މީހާގެ ބުރަކައްޓަށް ތޫނު އެއްޗަކުން ހަމަލާދީފައިވާއިރު، ދެ މީހުންނަށް ވެސް އަނިޔާވެފައިވާތީ ހޮސްޕިޓަލުގައި ފަރުވާދެމުން ދާ ކަމަށް ފުލުހުން ބުނެއެވެ.
މި މައްސަލަ ތަހުގީގު ކުރަމުންދާ ކަމަށް ފުލުހުން ވަނީ ހާމަކޮށްފައެވެ.
ކޮމެންޓު ފޮނުވާ