ސަރުކާރުގެ ސޯޝަލް ހައުސިން ސްކީމުން ލިބިފައިވާ އެއް ކޮޓަރީގެ ފްލެޓް ދޫކޮށްލައިގެން ގޯއްޗަށް ކުރިމަތިލެވޭނެ އިންތިޒާމު ހަމަޖެއްސުމާ މެދު ސަރުކާރުން ވިސްނަމުންދާ ކަމަށް ރައީސް ޑރ. މުޙައްމަދު މުޢިއްޒު ވިދާޅުވެއްޖެއެވެ.
މާފަންނު ރައްޔިތުންނާ ބައްދަލުކުރައްވައި ވާހަކަފުޅު ދައްކަވަމުން ރައީސް ވިދާޅުވީ ހުޅުމާލެ ތިންވަނަ ފިޔަވަހި ހިއްކުމުގެ މަސައްކަތް މިއަހަރު ނިމުމުގެ ކުރިން އެއްކޮށް ނިންމައި ގޯތިތައް ދޫކުރަން ފެށޭނެ ކަމަށެވެ. އެއަށްފަހު ގުޅީފަޅު ހިއްކުމުގެ މަސައްކަތް ދެތިން މަސް ތެރޭގައި ނިންމާލެވޭނެ ކަމަށް ލަފާކުރެވޭ ކަމަށްވެސް ވިދާޅުވިއެވެ.
ރަސްމާލެއިން 15،000 ގޯތި ދޫކުރުމުގެ އުސޫލު މިހާރު އެކުލަވާލައި ނިމިފައިވާ ކަމަށާއި އަންނަ ޖެނުއަރީ މަހު އެޕްލިކޭޝަނަށް ހުޅުވާލާނެ ކަމަށް ރައީސް ވިދާޅުވިއެވެ. ފުރަތަމަ ފިޔަވަހީގެ 10،000 ގޯތި ދީ ނިމުމުން 18 އަހަރު ފުރި ފުރަތަމަ ގެދޮރު ނުލިބި ތިބި ފަރާތްތަކަށް ދެވަނަ ފިޔަވައްސެއް ހުޅުވާލާނެ ކަމަށްވެސް އެމަނިކުފާނު ވިދާޅުވިއެވެ.
ކޮމެންޓު ފޮނުވާ