މިއަހަރުގެ މިނިވަން ދުވަހުގެ މުނާސަބަތުގައި ކޮންމެ އަހަރަކު ބާއްވަމުން އަންނަ ރަސްމީ ރިސެޕްޝަން ނުބާއްވަން ރައީސް ޑރ. މުހައްމަދު މުއިއްޒު ނިންމަވައިފި އެވެ.
ރައީސް އޮފީހުން މިއަދު ހާމަކުރި ގޮތުގައި، ރިސެޕްޝަން ބޭއްވުމުގެ ބަދަލުގައި ހަރަދު ކުޑަކުރުމުގެ ސިޔާސަތު އިސްކުރެއްވުމަށް ރައީސް ނިންމެވީ އެވެ. މިއީ ފާއިތުވި ދެ އަހަރުގައި ވެސް ސަރުކާރުން އަމަލުކުރި ގޮތެވެ. އެގޮތުން މިއީ މުއިއްޒުގެ ވެރިކަމުގައި ޖެހިޖެހިގެން މި ބައްދަލުކުރެއްވުން ކެންސަލްކުރެއްވި ތިންވަނަ ފަހަރެވެ.
ނަމަވެސް މިނިވަން ދުވަހުގެ އެންމެ މުހިއްމު ހަރަކާތް ކަމުގައިވާ ރަސްމީ ޖަލްސާ ކުރިއަށްދާނެ ކަމަށް ރައީސް އޮފީހުން ކަށަވަރުކޮށްދިނެވެ. މި ޖަލްސާ އޮންނާނީ ޖުލައި 26 ވަނަ ދުވަހުގެ ހެނދުނު 9:00 ގައި މާލޭ ސޯޝަލް ސެންޓަރުގައެވެ. ޖަލްސާގައި ރައީސް މުއިއްޒު ގައުމާ މުހާތަބުކުރައްވާ ތަގުރީރެއް ދެއްވާނެ އެވެ.
މިއަހަރު ދިވެހި ރާއްޖެއިން ފާހަގަކުރަނީ 61 ވަނަ މިނިވަން ދުވަހެވެ.
ކޮމެންޓު ފޮނުވާ