ގަވާއިދާ ހިލާފަށް ރާއްޖޭގެ ކަނޑުގެ ސަރަހައްދުން އަތުލައިގަތް ބޯޓުގައި 300 ކިލޯއާ ގާތް ކުރާ އަދަދަކަށް މަސްތުވާތަކެތި ފެނުނު މައްސަލަ އާއި ގުޅިގެން އިތުރު ފަރާތްތަކާއި ސުވާލުކޮށް އިތުރު އޮޕްރޭޝަންތަކެއް ހިންގަން ޖެހިދާނެ ކަމަށް ފުލުހުން މިއަދު ބުނެފިއެވެ.
ފުލުހުން މިއަދު ކުރިއަށް ގެންދިޔަ ޑްރަގުގެ ބޮޑު އޮޕަރޭޝަން "އަލިމަގު" އާ ގުޅޭ ގޮތުން ނޫސްވެރިންނަށް މައުލޫމާތު ދެއްވަމުން ޑްރަގު އެންފޯސްމަންޓް ޑިޕާޓްމަންޓްގެ ޗީފް އިންސްޕެކްޓާ އޮފް ޕޮލިސް އަހުމަދު ނާއިފް ވިދާޅުވީ، ލަންކާ ބޯޓުގެ ތަހުގީގު މިހާރުވެސް ހިނގަމުން ދާ ކަމަށާއި، އިތުރު ފަރާތްތަކާއި ސުވާލުކޮށް އިތުރު އޮޕަރޭޝަންތަކެއް ހިންގަން ޖެހޭ ހާލަތެއް ކުރިމަތިވެދާނެ ކަމަށެވެ. އެހެންކަމުން މި މައްސަލައާ ގުޅޭ އިތުރު ތަފްސީލު މިވަގުތު ހިއްސާ ނުކުރައްވާ ކަމަށްވެސް އޭނާ ވިދާޅުވިއެވެ.
މި މައްސަލައިގައި ސްރީލަންކާއަށް ނިސްބަތްވާ 39، 42، 28، 34 އަދި 63 އަހަރުގެ ފަސް ފިރިހެނުން ހައްޔަރުކޮށްފައިވެއެވެ. މި މައްސަލަ ދިވެހި ފުލުހާއި، އެމްއެންޑީއެފް، ސްރީލަންކަން ނޭވީ އަދި ސްރީލަންކަން ޕޮލিސް ގުޅިގެން ތަހުގީގު ކުރަމުންދާ ކަމަށް ފުލުހުން ހާމަކުރެއްވިއެވެ.
ކޮމެންޓު ފޮނުވާ