ސަރުކާރަށް ދެ އަހަރު ފުރުން ފާހަގަކުރުމުގެ ރަސްމިއްޔާތުގައި ވާހަކަފުޅު ދައްކަވަމުން ރައީސުލްޖުމްހޫރިއްޔާ ޑރ. މުހައްމަދު މުއިއްޒު މިރޭ ވިދާޅުވީ މާލެ ސިޓީގައި 800 އަށްވުރެ ގިނަ މީހުން ނަމާދަށް އެރޭނެ މިސްކިތްތައް އޭސީކުރުމުގެ މަސައްކަތް ފަށާފައިވާ ކަމަށެވެ.
ސޯޝަލް ސެންޓަރުގައި ބޭއްވި ޖަލްސާގައި ރައީސް ފާހަގަކުރެއްވީ އިސްލާމީ މަރުކަޒުތަކާއި މިސްކިތްތައް ބިނާކުރުމަކީ މި ސަރުކާރުން އެންމެ އިސްކަންދޭ ކަންތައްތަކުގެ ތެރޭގައި ހިމެނޭ ކަމެއް ކަމުގައެވެ. މިހާރު ބިނާކުރާ މިސްކިތްތަކުގައި އޭސީ، ލައިބްރަރީ އަދި ޒަމާނީ ފެންވަރުގެ ކްލާސްރޫމްތައް ހިމަނާފައިވާ ކަމަށް އެމަނިކުފާނު ވިދާޅުވިއެވެ.
މި ރަމަޟާން މަސް އަންނަން ވާއިރަށް މަދުވެގެން ފަސް މިސްކިތް އޭސީކޮށް ނިންމާލެވޭނެ ކަމަށާއި، އެއާ އެކު އަޅުކަން ހޭދަކުރަންދާ ވަގުތު ވަރަށް ހިތްގައިމު ވެގެންދާނެ ކަމަށް ރައީސް ވިދާޅުވިއެވެ. މި މަޝްރޫއު ކުރިއަށްއޮތް ތަނުގައި ވެސް ކުރިއަށްގެންދިއުމަށް ހަމަޖެހިފައިވާ ކަމަށާއި، ދީނީ ރޮނގުން ގައުމަށް ހިދުމަތްކުރުމަށް މަސައްކަތް ކުރަމުންދާ ކަމަށް އެމަނިކުފާނު ވަނީ ވިދާޅުވެފައެވެ.
ކޮމެންޓު ފޮނުވާ