ކާށިދޫގައި ދުއްވާ "ފައިސަލާ ބޯޓު" މިރޭ އެ ރަށުގެ ދެކުނުފަރާތު ނެރު ކައިރި ފަރަށް އަރައި، ހިނގި ހާދިސާގައި ގެއްލުނު މީހާ ނިޔާވެފައި އޮއްވާ ފެނިއްޖެއެވެ.
ފުލުހުން ބުނިގޮތުގައި، އެ މީހާ ފެނުނީ ގެއްލިގެން ހޯދަމުން ދަނިކޮށް، ބޯޓު ފަރަށް އެރި ސަރަޙައްދު މޫދުންނެވެ.
މި ހާދިސާގައި ނިޔާވީ، ބަނގްލަދޭޝް މީހެއް ކަމަށްވާ އެމްޑީ އަލަމްގީރް (30) އެވެ. ފުލުހުން ބުނީ، ކާށިދޫ ޞިއްޙީ މަރުކަޒަށް ގެންދިޔައިރުވެސް އަލަމްގީރް އޮތީ ނިޔާވެފައިކަމަށެވެ.
މަޢުލޫމާތު ލިބިފައިވާގޮތުގައި، އެ ބޯޓު ފަރަށް އެރީ އެ ރަށަށް ވަންނަން އުޅެނިކޮށެވެ.
ހަމައެއާއެކު، އެބޯޓު ފަރަށް އެރުމާ ގުޅިގެން އޭގައި ހުރި ގިނަ މުދާތަކެއް ކަނޑަށް އޮޔާދާތީ، އެ ސަރަޙައްދުން ދަތުރުކުރާ އެންމެހާ ފަރާތްތަކުން ސަމާލުވުމަށް ފުލުހުން ވަނީ އިލްތިމާސްކޮށްފައެވެ.
ކޮމެންޓު ފޮނުވާ