މިލަންދޫ ޕޮލިސް ސްޓޭޝަނުގައި މަސައްކަތްކުރާ ފުލުހުންގެ އެކައުންޓަށް ގިނަ އަދަދެއްގެ ފައިސާ ޖަމާވި މައްސަލައާ ގުޅިގެން 4 ފުލުހުން ވަޒީފާއިން ސަސްޕެންޑްކޮށްފިއެވެ.
މި މައްސަލަ ތަހުގީގުކޮށް ޑިސިޕްލިނަރީ ބޯޑަށް ހުށަހެޅުމުން އެ 4 ފުލުހުން ވަޒީފާއިން ވަކިކުރަން އެ ބޯޑުން ލަފާދީފައިވާކަމަށް ފުލުހުންގެ އިދާރާއިން ބުންޏެވެ. އެ ނިންމުމުގެ އިސްތިއުނާފު މަރުހަލާ ނިމެންދެން އެ މުވައްޒަފުން ސަސްޕެންޑްކޮށްފައިވާކަމަށް ފުލުހުން ބުނެއެވެ. އަދި މި މައްސަލައާ ގުޅިގެން އިތުރު ބައެއް ފުލުހުންގެ މައްސަލަވެސް ބަލާފައިވާއިރު، ބައެއް ފުލުހުން ޑިމޯޓްކުރަން ނިންމާފައިވާކަމަށް އިދާރާއިން ހާމަކުރެއެވެ. މި މައްސަލަ ތަހުގީގުކުރަމުން އަންނަނީ ތުހުމަތު ކުރެވޭ ފަރާތްތައް މާލެއަށް ގެނެސްގެން ކަމަށް ވާއިރު، މި މައްސަލައިގެ އިތުރު ތަފްސީލު ހާމަ ކޮށްފައެއް ނުވެއެވެ.
ކޮމެންޓު ފޮނުވާ