އދ. ދިގުރަށުގައި އަންނަ އަހަރުގެ މާޗް މަހުގެ ކުރިން ޑޮލަރު އޭޓީއެމްއެއް ބަހައްޓައިދެއްވާނެ ކަމަށް ރައީސުލްޖުމްހޫރިއްޔާ ޓރ. މުހައްމަދު މުއިއްޒު މިއަދު ވިދާޅުވެއްޖެއެވެ. ދިގުރަށަށް ކުރެއްވި ދަތުރުފުޅުގައި އެރަށު ރައްޔިތުންނާ ބައްދަލުކުރައްވައި ރައީސް މިހެން ވިދާޅުވީ އެ ރަށުގައި 400 އަށްވުރެ ގިނަ ފަތުރުވެރިކަމުގެ ކޮޓަރި ހުރެ، ޑޮލަރުގެ މުއާމަލާތް އެހާ ގިނައިން ކުރާ ކަމަށް ފާހަގަކުރައްވަމުންނެވެ.
ފަތުރުވެރިކަން ތަރައްގީކުރުމަށް އަންނަ އަހަރުގެ ބަޖެޓްގައި ކޮންވެންޝަން ސެންޓަރެއް ތަރައްގީކުރުމާއި ޒަމާނީ ފުޓްބޯޅަ ދަނޑެއް އެޅުމުގެ މަޝްރޫއުތައް ހިމަނުއްވާނެ ކަމަށް ވެސް ރައީސް ވިދާޅުވިއެވެ. މީގެ އިތުރުން ސިއްހީ މަރުކަޒު 24 ގަޑިއިރު ހިދުމަތްދޭ ތަނަކަށް ބަދަލުކޮށްދެއްވުމާއި، ގޮނޑުދޮށް ހިމާޔަތްކުރުމާއި ބަނދަރު ތަރައްގީކުރުމުގެ މަޝްރޫއުތަކަށް އިސްކަންދެއްވާނެ ކަމަށް ވެސް ރައީސް ވިދާޅުވެފައިވެއެވެ.
މިއީ ދިގުރަށު ރައްޔިތުންގެ އާމްދަނީ އިތުރުކުރުމަށް ކުރައްވާ މަސައްކަތްތަކެއް ކަމުގައި ރައީސް ވަނީ ވިދާޅުވެފައެވެ.
ކޮމެންޓު ފޮނުވާ