ވ. ފުލިދޫގެ ފަޅާއި ގޮނޑުދޮށަށް ތެޔޮ ހަޑިވެފައިވާތީ، އިތުރު ތެޔޮ އެރަށް ކައިރީ ކަނޑުގެ ސަރަހައްދަށް އެޅިފައިވޭތޯ ބަލަމުންދާ ކަމަށް އެމްއެންޑީއެފް އިން ބުނެފިއެވެ.
އެމްއެންޑީއެފް މާލޭ އޭރިއާ ކޮމާންޑުގެ ކޯސްޓް ގާޑް ސެކަންޑް ސްކޮޑްރަންގެ "ހަލަވެލި" އުޅަނދު މެދުވެރިކޮށް، ފުލިދޫ ކައިރީ ކަނޑަށް އިތުރަށް ތެޔޮ އެޅިފައިވޭތޯ ބެލުމުގެ މަސައްކަތް ކުރިއަށްދާ ކަމަށް އެމްއެންޑީއެފް އިން ބުނެއެވެ.
ފުލިދޫ ކައުންސިލުގެ ރައީސް މުހައްމަދު އިމްތިޔާޒު ވިދާޅުވި ގޮތުގައި، ތެޔޮ އެޅިފައިވަނީ ރަށުގެ ހުޅަނގު ދެކުނު ސަރަހައްދުގެ ގޮނޑުދޮށަށެވެ
މި ތެޔޮތަކަކީ ތެޔޮ އުފުލާ އުޅަނދަކުން ކަނޑަށް އަޅާލި ނުވަތަ ދޫކޮށްލި ތެޔޮތަކެއް ކަމަށް ލަފާކުރެވޭ ކަމަށް ކައުންސިލުން ބުނެއެވެ. ނަމަވެސް ތެޔޮ އެޅުނު އަސްލު ސަބަބެއް ޔަގީންކަމާއިއެކު ބުނާކަށް ނޭނގެއެވެ. ޓޫރިޒަމްގެ ވިޔަފާރި ކުރިއަރަމުންދާ ރަށުގެ ގޮނޑުދޮށް މިވަގުތު ވަނީ ގިނަ އަދަދެއްގެ ތެލުގެ ސަބަބުން ތެލުން ތަޣައްޔަރުވެފައެވެ.
ކޮމެންޓު ފޮނުވާ