އައްޑޫ އެކުއެޓޯރިއަލް ހޮސްޕިޓަލުގައި އެންޑޮސްކޯޕީގެ ޙިދުމަތް ދޭން ފަށައިފިއެވެ. މިއީ ރާއްޖޭގައި މާލޭ ސަރަހައްދުން ބޭރުގައި އެންޑޮސްކޯޕީގެ ޙިދުމަތްދޭ ފުރަތަމަ ފަހަރެވެ.
އެކަމާ ގުޅޭ ޓްރޭނިން ޕްރޮގްރާމްތަކެއް ވެސް ހިންގުމަށް ފަހު، ހިދުމަތް ދޭން ފެށިކަން ހޮސްޕިޓަލުން އިއުލާންކުރީ މިއަދު އެވެ. އޭއީއެޗުން ބުނި ގޮތުގައި އައްޑޫގައި އެންޑޮސްކޮޕީގެ ހިދުމަތް ދޭން ފެށުމުން ވެރިރަށް މާލެ ފިޔަވައި ރާއްޖޭގައި އެ ހިދުމަތް ލިބޭ ފުރަތަމަ ތަނަކަށް އޭއީއެޗް ވާނެ އެވެ.
Ongoing endoscopy training for nurses and clinical assistants of AEH. Thank you IGMH for their support with the training. @presidencymv @MoHmv @igmhmv pic.twitter.com/dlf77xN47f
— Addu Equatorial Hospital (@aeh_mv) December 31, 2020
އައްޑޫ އެކުއެޓޯރިއަލް ހޮސްޕިޓަލުން އެންޑޮސްކޯޕީގެ ޙިދުމަތް ރަސްމީކޮށް ފަށާފައިވަނީ އައިޖީއެމް ހޮސްޕިޓަލުގެ އެހީތެރިކަމާއި އެކުގައެވެ. އައްޑޫ އިކުއިޓޯރިއަލް ހޮސްޕިޓަލުން ވިދާޅުވީ، މިޙިދުމަތް ހޮސްޕިޓަލުގައި ދޭން ފެށުމާއި އެކު ދުވާލެއްގެ މައްޗަށް މަދުވެގެން 6 އެންޑޯސްކޯޕީ ހެދޭނެ ކަމަށެވެ. އަދި މިއީ ހޮސްޕިޓަލުން ޚިދުމަތް ހޯދާ ފަރާތްތަކުން ވަރަށް ބޮޑަށް ބޭނުންވެފައިވާ ޙިދުމަތެއް ކަމަށް ވެސް އެ ހޮސްޕިޓަލުން ވިދާޅުވިއެވެ.
އައްޑޫ އެކުއެޓޯރިއަލް ހޮސްޕިޓަލުން ތަފާތު ޙިދުމަތްތައް ފަށަން މަސައްކަތް ކުރަމުންދާއިރު، ކުރިއަށް އޮތްތަނުގައި އިތުރު ޙިދުމަތްތައް ފެށުމަށް ރޭވިފައިވާ ކަމަށް އެހޮސްޕިޓަލުން ވިދާޅުވެއެވެ. އެގޮތުން މިހާރުވެސް، ޙިދުމަތްތަަކަށް ބޭނުންވާ ވަސީލަތްތައް ޤާއިމު ކުރެވިފައިވާ ކަން އެ ހޮސްޕިޓަލުން ފާހަގަ ކުރައްވައެވެ.
ކޮމެންޓު ފޮނުވާ