ފީފާ ވޯލްޑް ކަޕް 2026 ގައި އެކުއެޑޯގެ މައްޗަށް 2-0 އިން ކުރިހޯދައި، ސައްތައިން ސައްތަ ރެކޯޑަކާއެކު މެކްސިކޯއިން މުބާރާތުގެ ގަދަ 16 އިން ޖާގަ ކަށަވަރުކޮށްފިއެވެ.
ވިއްސާރައިގެ ސަބަބުން ކުޅުން ފެށުން ކުޑަކޮށް ލަސްވި މި މެޗުގައި މެކްސިކޯއިން ޖެހި ދެ ލަނޑުވެސް ކާމިޔާބުކޮށްފައިވަނީ މެޗުގެ ފުރަތަމަ ހާފުގައެވެ. މެޗުގެ 22 ވަނަ މިނެޓުގައި ރޮބާޓޯ އަލްވާޑޯ ތަނަވަސްކޮށްދިން ފުރުސަތަކުން ހޫލިއަން ކުއިނޯންސް މެކްސިކޯއަށް ލީޑު ނަގައިދިންއިރު، އޭގެ ނުވަ މިނެޓު ފަހުން ކުއިނޯންސް ދިން ބޯޅައަކުން ރައުލް ހިމިނޭޒް ވަނީ އެޓީމުގެ ދެވަނަ ލަނޑު ޖަހައި ނަތީޖާ ފުޅާކޮށްފައެވެ. މުޅި މެޗުގައިވެސް މެކްސިކޯއިން ވަނީ މޮޅު ކުޅުމެއް ދައްކާފައެވެ.
ގްރޫޕް ސްޓޭޖުގައި ކުޅުނު ތިން މެޗުންވެސް މޮޅުވެ މެކްސިކޯއިން ނޮކްއައުޓް ބުރުގެ ޖާގައެއް ކަށަވަރުކުރިއިރު، މުބާރާތުގެ ގަދަ 16 ގައި އެޓީމު ދެން ބައްދަލުކުރަން ޖެހޭނީ އިންގްލެންޑާއި ކޮންގޯ ވާދަކުރާ މެޗުން މޮޅުވާ ޓީމަކާއެވެ.
ކޮމެންޓު ފޮނުވާ