މާލޭގެ ފަންނު ސަރަހައްދުގައި ހުންނަ ގެއެއްގައި 40 އަހަރުގެ ދިވެހި ފިރިހެނެއް މަރުވެފައި އޮއްވާ މިއަދު ހަވީރު ފެނިފައިވާކަމަށް ފުލުހުން ހާމަކޮށްފިއެވެ.
ފުލުހުންގެ މީޑިއާ އޮފީހުން މައުލޫމާތު ދީފައިވާގޮތުގައި މަރުވެފައި އޮއްވާ ފެނިފައިވަނީ މ. އަލުވިމާގެ އާގޭގެ މުހައްމަދު ހިސާމެވެ. އަދި މި މައްސަލަ ފުލުހުންނަށް ރިޕޯޓުކޮށްފައިވަނީ މިއަދު ހަވީރު 16:40 ހާއިރުއެވެ. މިކަން އެންގުމުން ފުލުހުންގެ އޮފިސަރުން ވަނީ ވަގުތުން އެ ގެއަށް ހާޒިރުވެ މައްސަލަ ބެލުމުގެ މަސައްކަތް ފެށިފައެވެ.
ފުލުހުން ވިދާޅުވިގޮތުގައި މި މައްސަލައިގެ ތަހުގީގު މިހާރު ކުރިއަށްދާއިރު، ހިސާމު މަރުވި ގޮތާ ގުޅޭ އިތުރު ތަފުސީލުތައް މި ވަގުތު ހާމަކުރެވެން ނެތްކަމަށް އެފަރާތުން ބުނެފައިވެއެވެ.
މުހައްމަދު ހިސާމުގެ ހަބަރު އިވުމާއެކު ސޯޝަލް މީޑިއާގައި ގިނަ ބަޔަކު ވަނީ އޭނާގެ ނިޔާއާމެދު ހިތާމަކޮށް މެސެޖުތައް ޝާއިޢުކުރަން ފަށާފައެވެ. ފުލުހުން މި މައްސަލައިގެ ތަހުގީގު ކުރިއަށްގެންދިއުމުގައި އިތުރު މައުލޫމާތުތައް ލިބުމުން އާންމުކުރާނެކަމަށް ބުނެފައިވެއެވެ.
ކޮމެންޓު ފޮނުވާ