ހުޅުމާލޭގައި ހިނގި މާރާމާރީއެއްގައި ބަންގްލަދޭޝް މީހެއްގެ ބޮލުގެ ބައެއް ފަޅައިލައި ޒަޚަމްކޮށްލުމުގެ ހާދިސާއަކާ ގުޅިގެން 18 އަހަރުގެ ތިން ފިރިހެނުންނާއި 17 އަހަރުގެ ކުޑަކުއްޖަކު ހައްޔަރުކޮށްފައިވާ ކަމަށް ފުލުހުން ހާމަކޮށްފިއެވެ.
ފުލުހުން ބުނެފައިވާ ގޮތުގައި މި މާރާމާރީގެ ރިޕޯޓު ލިބިފައިވަނީ ރޭ 19:13 ގައި ހުޅުމާލޭ ބޯގަންވިލާ މަގުގައި ހުންނަ ފިހާރައެއް ކައިރީގައި ހިނގާފައިވާ ހާދިސާއެއްގެ ގޮތުގައެވެ. ހަމަލާ ދިން ފަރާތްތަކުން ވަނީ ބަންގްލަދޭޝްގެ ރައްޔިތެއްގެ ބުމަ މަތިން ފަޅައިލާފައެވެ.
ނަން ހާމަނުކުރާ ގޮތަށް މައުލޫމާތު ދިން ފުލުހެއްގެ އިސްވެރިއެއް ބުނިގޮތުގައި، ޒަޚަމްވި ބަންގްލަދޭޝް މީހާއަށް މިވަގުތު ފަރުވާދެނީ ހުޅުމާލެ ހޮސްޕިޓަލުގައެވެ.
މިފަދަ މާރާމާރީތައް އިތުރުވަމުން އައުމާ ގުޅިގެން ފުލުހުން ވަނީ ހުޅުމާލޭގައި ޕެޓްރޯލްކުރުން އިތުރުކޮށްފައެވެ. މިގޮތުން ހާއްސަކޮށް ޒުވާނުން އެއްވާ ސަރަހައްދުތަކުގައި ފުލުހުންގެ ހާއްސަ އޮޕަރޭޝަންތަކެއް ކުރިއަށް ގެންދެވޭނެކަމަށް ފުލުހުން ބުނެފައިވެއެވެ.
ކޮމެންޓު ފޮނުވާ