އެސިސްޓެންޓް ކަމިޝަނާ އޮފް ޕޮލިސްގެ މަޤާމުގައި ހުންނެވި އަބްދުﷲ ފައިރޫޝް ފުލުހުންގެ ވަޒީފާއިން ރިޓަޔާ ކުރައްވައިފިއެވެ.
މައުލޫމާތު ލިބިފައިވާ ގޮތުގައި ފައިރޫޝްވަނީ ފުލުހުންގެ ވަޒީފާއިން ރިޓަޔާ ކުރެއްވުމަށް މީގެ 6 މަސް ކުރިން ސިޓީ ހުށަހަޅާފައެވެ. އޭނާ ރިޓަޔާ ކުރައްވާފައިވަނީ މިއަދުން ފެށިގެންނެވެ.
ރިޓަޔާ ކުރެއްވުމަށްފަހު ފައިރޫޝް މަސައްކަތް ކުރެއްވުމަށްޓަކައި އޮސްޓްރޭލިއަށް ދިއުމަށް ވަރަށް އަވަހަށް ފުރުމަށް ވަނީ ހަމަޖެހިފައެވެ. އަދި މިހާރު އާއިލާގެ މެމްބަރުންވަނީ އޮސްޓްރޭލިއާއަށް ބަދަލުކޮށްފައެވެ. ފައިރޫޝްއަކީ ފުލުހުންގެ ޚިދުމަތުގައި ގިނަ ދުވަހު ޚިދުމަތްކޮށްދެއްވާފައިވާ ބޭފުޅެކެވެ. ފައިރޫޝްއަކީ ކުރީގެ ރައީސް މުހައްމަދު ނަޝީދުގެ ވެރިކަން ވެއްޓުނު ފަހުން ވަގުތީ ގޮތުން ފުލުހުންގެ އިދާރާއާ ހަވާލުވެ ހުންނެވި ބޭފުޅާ އެވެ.
After a 20 year long illustrious police career, Assistant Commissioner of Police Dr. Abdulla Phairoosch retires today. I sincerely thank him for his invaluable contributions to the police service and for his service to the public. Wishing him success in his next endeavours. pic.twitter.com/bztwxXnD1P
— Mohamed Hameed (@M_Hameedh) January 2, 2021
ފައިރޫޝްވަނީ 2017 ވަނަ އަހަރު ސޯޝަލް މީޑިއާގައި ސަރުކާރާއި ފުލުހުންނާ ބެހޭ ގޮތުން ނުރަނގަޅު ތަސައްވަރެއް އުފެދޭ ވާހަކަ ދައްކާ ކަމަށް ބުނެ ވޒީފާއިން ވަކިކޮށްފައެވެ. ނަމަވެސް 2018 ވަނަ ވަނަ އަހަރު ސިވިލްކޯޓުންވަނީ ފައިރޫޝް މަޤާމުން ވަކިކޮށްފައިވަނީ ޤާނޫނާއި ޚިލަފަށްކަމަށް ކަނޑައަޅައި އަލުން ވަޒީފާދޭން ހުކުމްކޮށްފައެވެ.
ކޮމެންޓު ފޮނުވާ