މާލޭގެ ސްކޫލެއްގެ ޕްރައިމަރީ ގްރޭޑެއްގައި ކިޔަވާ ނުކުޅެދުންތެރިކަން ހުރި ދަރިވަރަކަށް ޖިސްމާނީ އަނިޔާކޮށްފައިވާ މައްސަލައެއް އެޑިއުކޭޝަން މިނިސްޓްރީން ފުލުހުންގެ ސަމާލުކަމަށް ގެނެސްފިއެވެ.
މި މައްސަލައާ ގުޅިގެން އެޑިއުކޭޝަން މިނިސްޓަރު ޑރ. އިސްމާއީލް ޝަފީއު ވިދާޅުވެފައިވަނީ މިފަދަ އަނިޔާވެރި ޢަމަލުތަކަކީ އެއްވެސް ހާލެއްގައި ގަބޫލުކުރެވޭނެ ކަމެއް ނޫން ކަމަށެވެ. އަދި މިފަދަ މައްސަލަތައް މިނިސްޓްރީގެ ސަމާލުކަމަށް އަންނަ ހިނދު، އެކަށީގެންވާ ފިޔަވަޅުތައް އަޅައި، މުސްތަގުބަލުގައި މިފަދަ ހާދިސާތައް ތަކުރާރުވިޔަ ނުދިނުމަށް މަސައްކަތްކުރާނެ ކަމަށް އޭނާ ވަނީ ވިދާޅުވެފައެވެ.
މީގެއިތުރުން، މިނިސްޓަރު ހުރިހާ ޓީޗަރުންނަށް ގޮވާލައްވާފައި ވަނީ، ދަރިވަރުންގެ ޙައްޤުތައް ރައްކާތެރިކޮށް، އަމާން އަދި އުފާވެރި މާޙައުލެއްގައި ކިޔެވުމުގެ ފުރުސަތު ދަރިވަރުންނަށް ފަހިކޮށްދިނުމަށް ޚާއްސަ އަހައްމިއްޔަތުކަމެއް ދެއްވުމަށެވެ.
ކޮމެންޓު ފޮނުވާ