އިލެކްޝަންސް ކޮމިޝަނުގެ މެންބަރުކަމުގެ މަގާމަށް އިސްލާމިކް މިނިސްޓްރީގެ ކުރީގެ ޕާމަނަންޓް ސެކްރެޓަރީ އަބްދުލްހަސީބް އިސްމާއީލް މިއަދު މަޖިލީހުން ފާސްކޮށްފިއެވެ.
މިއީ ކުރީގެ އީސީ ރައީސް ފުއާދު ތައުފީގްގެ ދައުރު މިދިޔަ މަހުގެ 24 ގައި ހަމަވުމާ ގުޅިގެން ހުސްވި މަގާމަށް ކުރެވުނު އިއުލާނާ ގުޅިގެން ރައީސް މުހައްމަދު މުއިއްޒު މިދިޔަ މަހުގެ 14 ގައި މަޖިލީހަށް ފޮނުއްވި ނަމެކެވެ.
މި މަގާމަށް ހަސީބް ހޮވިފައިވަނީ މަޖިލީހުގެ ވޯޓުގައި ބައިވެރިވި 67 މެންބަރުންގެ އިއްތިފާގުންނެވެ. އިސްލާމިކް މިނިސްޓްރީގެ ޕާމަނަންޓް ސެކްރެޓަރީގެ މަގާމުގައި 2019 ވަނަ އަހަރުން ފެށިގެން ހުރި ހަސީބު، ސުލޫކީ މައްސަލައަކާ ގުޅިގެން 2021 ގައި އެ މަގާމުން ވަކިކުރެވުނެވެ.
