ދިވެހިރާއްޖެއިން މިސް ޔުނިވަރސް މުބާރާތުގައި ފުރަތަމަ ފަހަރަށް ބައިވެރިވާން ނިންމައިފިއެވެ.
މި މުބާރާތުގައި ރާއްޖެ ތަމްސީލުކުރަން ހޮވިފައިވަނީ މަރްޔަމް ޝައިނާ ނަސީމެވެ. މެކްސިކޯގައި ބޭއްވޭ މި މުބާރާތުގައި ބައިވެރިވުމަށްޓަކައި، އިންޑިއާގައި ހުންނަ މެކްސިކޯގެ އެމްބަސީގެ ކޮންސަލް ޑިއެގޯ ޕެރެޒް ވަނީ ޝައިނާއަށް ވީސާ ދޫކޮށްފައެވެ.
އަދި މިއީ ރާއްޖެއިން މި މުބާރާތުގައި ބައިވެރިވާ ފުރަތަމަ ފަހަރު ކަމަށް ފާހަގަކޮށް، އެމްބަސީއިން ވަނީ ޝައިނާއަށް ކާމިޔާބަށް އެދި ހެޔޮ އެދުންތައް ފޮނުވާފައެވެ.
🇲🇽 Cónsul at @EmbaMexInd, Diego Pérez, granted a visa to 🇲🇻 contestant Maryam S. Naseem who will represent Maldives in Miss Universe 2024 in 🇲🇽. This is the first time in the history of this competition that Maldives participates. @EmbaMexInd wishes her the best. pic.twitter.com/zPTi3wPOJH
— Embassy of Mexico in India 🇲🇽 (@EmbaMexInd) October 29, 2024
މި އަހަރުގެ މިސް ޔުނިވަރސް މުބާރާތް ބޭއްވުމަށް ހަމަޖެހިފައިވަނީ މެކްސިކޯގައެވެ. މިއީ ފާއިތުވީ ދިގު ތާރީޚުގައި ދިވެހިރާއްޖެއިން މިސް ޔުނިވަރސް މުބާރާތެއްގައި ބައިވެރިވި ފުރަތަމަ ފަހަރަށެވެ. މިއީ ރާއްޖޭގެ ޒުވާން އަންހެން ކުދިންނަށް ލިބުނު މުހިންމު ފުރުސަތެއްގެ ގޮތުގައި ބައެއް ފަރާތްތަކުން ފާހަގަކުރެއެވެ.
އެހެންނަމަވެސް ރާއްޖެއިން ރީތީގެ މުބާރާތެއްގައި ވާދަކުރާރީ ދީނީ ބައެއް އިލްމުވެރިން ދަނީ އެކަމަށް ފާޑުވެސް ވިދާޅުވަމުންނެވެ.
ކޮމެންޓު ފޮނުވާ