އިލެކްޝަންސް ކޮމިޝަން (އީސީ) ގެ އިދާރާ ހިންގަން އާ އިމާރާތެއް މާލެއިން ކުއްޔަށް ހޯދަން އެ ކޮމިޝަނުން އިއުލާންކޮށްފިއެވެ.
އެ ކޮމިޝަންގެ އިއުލާނެއްގައި ބުނީ އިމާރާތް ހޯދަން ހޯދަން ބޭނުން ވަނީ 10 އަހަރުގެ މުއްދަތަށް ކަމަށެވެ.
އެހެންވެ ތަނެއް ކުއްޔަށް ދޫކުރަން ޝައުގުވެރިވާ ފަރާތްތަކުން ބީލަން ހުށަހެޅުމުގެ ފުރުސަތު މި މަހުގެ 28 ވަނަ ދުވަހުގެ މެންދުރު ފަހު 1:30 އާ ހަމައަށް ވަނީ ހުޅުވާލައިފައެވެ. މިކަމާ ގުޅޭ އެއްވެސް މައުލޫމާތެއް ސާފު ކުރަން ބޭނުންވާ ނަމަ މި މަހުގެ 27 ވަނަ ދުވަހުގެ މެންދުރު ފަހު 1:30 ގެ ކުރިން މި މެއިލް [email protected] އަށް ސުވާލުތައް ފޮނުވަން ޖެހެއެވެ.
އީސީ މިހާރު ހިންގަމުން އަންނަނީ ޕޯޓް ކޮމްޕްލެކްސް އިމާރާތުގައެވެ. އެތަނުގައި ކޮމިޝަން ހިންގާތާ 19 އަހަރުވެފައިވާ އިރު، އެ އިމާރާތް ބާވުމާއި ޖާގައިގެ ދަތިކަން ވެސް ކުރިމަތިވެފައިވެއެވެ.
