މޫސުމީބަދަލުތަކާ ތިމާވެއްޓާ ހަކަތައާއި ބެހޭ ވުޒާރާއިގެ މިނިސްޓަރު ޠާރިޤު އިބްރާހީމް، ޔޫއޭއީގެ އެންވަރަމެންޓު މިނިސްޓަރާ ޑރ. އާމިނާ ބިންތު އަބްދުﷲ އަލް ދަހާކް އަލީ ޝަމްސީއާ ބައްދަލުކުރައްވައިފިއެވެ.
މި ބައްދަލުކުރެއްވުން ބޭއްވުނީ އދ. ގެ އާންމު މަޖިލީހުގެ 79 ވަނަ ދައުރުގެ ތެރޭގައެވެ.
މި ބައްދަލުކުރެއްވުމުގައި މިނިސްޓަރު ޠާރިޤު، ޔޫއޭއީގައި ފާއިތުވި އަހަރު ބޭއްވުނު ސީއޯޕީ 28 ގެ ކާމިޔާބީއަށް ޑރ. އާމިނާއަށް މަރުޙަބާ ދެންނެވިއެވެ. އަދި ކުރިއަށް އޮތް ސީއޯޕީ 29 އަދި ސީބީޑީ ސީއޯޕީ 16 އަށް ތައްޔާރުވުމުގައި އެއްބާރުލުން ދިނުމާ ގުޅޭގޮތުން މަޝްވަރާކުރެއްވިއެވެ.
މީގެ އިތުރުން، ދެ ޤައުމުގެ ދެމެދުގައި މޫސުމަށް އަންނަ ބަދަލުތަކާ ގުޅޭ ދާއިރާތަކުގައި އިތުރަށް އެއްބާރުލުން ބަދަހިކުރުމާ ގުޅޭގޮތުން ވެސް ވާހަކަދެކެވުނެވެ.
ކޮމެންޓު ފޮނުވާ