ހޮލީވުޑްގެ މަޝްހޫރު އެކްޓްރަސް ބްލޭކް ލައިވްލީ އޭނާގެ އަމިއްލަ ބިއުޓީ ބްރޭންޑެއް އުފައްދަން ނިންމައިފި އެވެ.
"ގޮސިޕް ގާލް" އިން މަގުބޫލުކަން ހޯދައިފައިވާ ބަތަލާ އަކީ އާންމުކޮން ވެސް ވަރަށް ބޮޑަށް ފެޝަން އަށް ލޯބި ކުރާ ބަތަލާ އެކެވެ. ތަފާތު ބޮޑެތި ފަންކްޝަން ތަކުގައި އަބަދުވެސް އޭނާ ވިދާލައެވެ.
އިންސްޓަގްރާމްގައި ދާދީ ފަހުން "ބްލޭކް ބްރައުން ބިއުޓީ" ގެ ނަމުގައި ވަނީ އެކައުންޓެއް ހަދައިފަ އެވެ. މި އެކައުންޓް ހަމައެކަނި ފޮލޯ ކުރަނީ ބްލޭކް އެވެ. މި އެކައުންޓްގައި ބްރޭންޑްގެ ލޯގޯ ވެސް ވަނީ ދައްކާލާފަ އެވެ. މި އެކައުންޓުން ޕޯސްޓްކޮށްފައިވަނީ ހަމައެކަނި ބްލޭކްގެ ފޮޓޮއެކެވެ.
View this post on Instagram
ބްލޭކް އަކީ "ގޮސިޕް ގާލް"، "ނިއު ޔޯކް، އައި ލަވް ޔޫ"، "ދަ ޓައުން"، "ދި އޭގް އޮފް އެޑަލިން"، "އަ ސިމްޕަލް ފޭވާ" ފަދަ ސީރީޒް އަދި ފިލްމް ކުޅެފައިވާ އެކްޓްރެސްއެކެވެ.
