މިދިޔަ އަހަރުގެ ތެރޭގައި ޝޫޓިން ނިންމާފައި އޮތް ބޮލީވުޑްގެ އެކްޓަރު ވަރުން ދަވަން ގެ އަލަތު ވެބް ސީރީޒް ބެލުންތެރިންނަށް ދޫކޮށްލުމަށް ތައްޔާރު ވެފައިވާ ކަމުގެ އިޝާތާރެއް ދީފިއެވެ.
މި ސީރީޒަކީ ރާޖް އެންޑް ޑީކޭ ޑައިރެކްޓްކޮށްފައިވާ "ސިޓަޑެލް: ހަނީބަނީ" އެވެ. މިއީ މިދިޔަ އަހަރުގެ ކުރީކޮޅު އެމެޒޯން ޕްރައިމް ވީޑިއޯ އިން ގެނެސްދިން ޕްރިޔަންކާ ޗޯޕްޅާ އާއި ރިޗަޑް މެޑެންގެ "ސިޓަޑަލް" އާ ގުޅުވައިގެން ގެނެސްދޭ އިންޑިއާގެ ވާޝަނެވެ.
މި ވެބް ސީރީޒް ގައި ވަރުން އާއި އެކުގައި ފެނިގެންދާނީ ސައުތުގެ އެންމެ މަޝްހޫރު އެއް ބަތަލާ ސަމަންތާ ރޫތްޕަރަބޫއެވެ. މިއީ މިދެތަރިން އެކުގައި މަސައްކަތް ކުރި ފުރަތަމަ ފަހަރެވެ.
View this post on Instagram
އެގޮތުން "ސިޓަޑެލް: ހަނީބަނީ" އާ ގުޅޭ އާ ކަންތައްތަކެއް އަންނަ މަހުގެ 1 ގައި ގެނެސް ދޭނެކަން އޭގެ ޓީމުން މިހާރު ވަނީ ސޯޝަލް މީޑިއާގައި ހިއްސާކޮށްފަ އެވެ.
މި ވެބް ސީރީޒް އަކީ ގިނަ ބަޔަކު އިންތިޒާރު ކުރަމުން އަންނަ ވެބްސީރީޒްއެކެވެ. މިހާރު މި ވީގޮތުން އަންނަ މަހުގެ އެކަކަށް އިތުރު މައުލޫމާތު ހޯދުމަށް އަނެއްކައިވެސް މި ޖެހުނީ އިންތިޒާރު ކުރާށެވެ.
