ފެނަކަ ކޯޕަރޭޝަންގެ ކުރީގެ އެމްޑީ އަހުމަދު ސައީދުއަށް ހާޓް އެޓޭކެއް ޖެހިގެން ރާއްޖެއިން ބޭރުގައި ފަރުވާ ދެމުންދާކަމަށް މައުލޫމާތު ލިބިއްޖެއެވެ.
"ޚަބަރު އޮންލައިން"އަށް މައުލޫމާތު ލިބިފައިވާ ގޮތުގައި ސައީދުއަށް ހާޓް އެޓޭކެއް ޖެހުނީ ފާއިތުވި އީދު ބަންދުގައެވެ. އެގޮތުން އޭނާ އެންމެ ފުރަތަމަ ފަރުވާ ހޯދުމަށް ގޮސްފައިވަނީ ސްރީ ލަންކާއަށެވެ. އެއަށްފަހު، އެނގިފައިވާ ގޮތުގައި މިހާރު އޭނާއަށް ފަރުވާ ދެމުންދަނީ އިންޑިއާގައެވެ.
ސައީދުއަށް ޖެހުނީ ކިހާވަރެއްގެ ހާޓް އެޓޭކެއްކަމެއް، އަދި އޭނާ މިހާރުގެ ހާލަތު ސާފުވެފައެއް ނުވެއެވެ. އޭނާގެ ބަލި ހާލަތު އާއިލާގެ ފަރާތުން އަދި ހާމަކޮށްފައި ނުވިނަމަވެސް، ސައީދުއާއި ގުޅުން އޮންނަ ބައެއް ފަރާތްތަކުންވަނީ އޭނާއަށް ރާއްޖެއިން ބޭރުގައި ފަރުވާ ދެމުންދާކަން ޔަގީން ކޮށްދީފައެވެ.
ކޮމެންޓު ފޮނުވާ