ސޮވެރިން ޑިވެލޮޕްމެންޓް ފަންޑަށް 54 މިލިއަން ޑޮލަރު ފާއިތުވި 7 މަސްދުވަހުގެ ތެރޭ ޖަމާކޮށްފައި އެބަހުރި ކަމަށް ރައީސް މުއިއްޒު ވިދާޅުވެއްޖެއެވެ.
ޕީއެންސީން އަލަށް ހުޅުވި އެ ޕާޓީގެ ޖަގަހައިގައި ރޭ ވާހަކަ ދައްކަވަމުން ރައީސް މުއިއްޒު ވިދާޅުވީ ފާއިތުވި ސަރުކާރު ނިމުނުއިރު އެސްޑީއެފްގައި ހުރީ އެންމެ 2 މިލިއަން ޑޮލަރު ކަމަށާއި، އެ ސަރުކާރުން ވަނީ އެފަންޑުގައި ހުރި ފައިސާ ބޭނުން ކޮށްފައި ކަމުގައެވެ.
އަދި އެއީ ބޭރުގެ ދަރަނި ދައްކަން ހުރި ފައިސާ ކަމަށާއި، ފާއިތުވި 7 މަސްދުވަހުގެ ތެރޭގައި ޖަމާ ކޮށްފައިވާކަމަށާއި، ޓާގެޓަކީ މިއަހަރު ނިމުމުގެ ކުރިން އެ ފަންޑުގައި ހުރި ފައިސާގެ އަދަދު 100 މިލިއަން ޑޮލަރު ޖަމާކުރުން ކަމުގައެވެ.
ރައީސް ވިދާޅުވީ މިފައިސާ އެސްޑީއެފްއަށް މިފައިސާ ޖަމާކޮށްފައިވަނީ، މި ފައިސާ ޖަމާކޮށްފައިވަމި ބޭރުގެ ދަރަންޏަށް 11 ބިލިއަން ރުފިޔާ ޖަމާކޮށް އެތެރޭގެ ދަރަނީގެ ގޮތުގައި 2.7 ބިލިއަން ރުފިޔާ ދައްކާފަ ކަމަށެވެ.
ރައީސް މުއިއްޒު ވިދާޅުވީ އިގްތިސާދީ އެޖެންޑާ ވައުދިވި ގޮތަށް، މިއަދުވެސް ދައްކަވަނީ އެވާހަކަ ކަމަށާއި، އިގްތިސާދީ އެޖެންޑާ ތަންފީޒު ކުރަމުންދަނީވެސް ހަމަ އެގޮތަށް ކަމުގައެވެ.
