އެކްޓަރު އަޔޫޝްމަން ކްރާނާގެ އަންހެނުން ތާހިރާ ކޭޝަޕް ލިޔެ، ޑައިރެކްޓްކުރި ފުރަތަމަ ފީޗާ ފިލްމު "ޝަރުމާޖީ ކީ ބޭޓީ" ގެ ޓްރެއިލާ އާންމުކޮށްފި އެވެ.
ފިލްމީ ތަރިން ކަމަށްވާ ސާކްޝީ ތަންވާރު، ސައްޔާމީ ހޭރު އަދި ދިވްޔާ ދައްތާ މުހިއްމު ރޯލްތައް ކުޅޭ މި ފިލްމު ދައްކަން ހަމަ ޖެހިފައިވަނީ މި މަހުގެ 28 ވަނަ ދުވަހުގައި އެމޭޒަން ޕްރައިމްއިން ނެވެ. ތާހިރާއަކީ މީގެކުރިން ވެސް ބައެއް ކުރު ފިލްމުތަކަށް ސްކްރީންޕްލޭ ތައްޔާރުކޮށްދީ ބައެއް ކުރު ފިލްމުތައް ޕްރޮޑިއުސްކޮށްފައިވާ ފަރާތެކެވެ.
"ޝަރުމާޖީ ކީ ބޭޓީ" އުފައްދާފައި ވަނީ ޕްރޮޑިއުސަރު އަތުލް ކަސްބޭކަރްގެ އެލިޕްސިސް އެންޓަޓައިންމަންޓާއި ޕްރޮޑިއުސަރު ސަމީރު ނައިރްގެ އެޕްލޯސް އެންޓަޓައިންމަންޓް ގުޅިގެންނެވެ.
ކޮމެންޓު ފޮނުވާ