އިންޑިއާގެ ބޮޑުވަޒީރު ނަރެންދްރަ މޯދީ، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުއަށް އަޟްހާ ޢީދުގެ ތަހުނިޔާ ފޮނުއްވައިފިއެވެ.
ރާއްޖޭގައި ހުންނަ އިންޑިއާގެ ހައިކޮމިޝަނުން ނެރުނު ބަޔާނެއްގައި ވިދާޅުވީ ބަރަކާތްތެރި އަޟްހާ ޢީދުގެ މުނާސަބަތުގައި އިންޑިއާގެ ބޮޑުވަޒީރު ރާއްޖޭގެ ރައީސުލްޖުމްހޫރިއްޔާ އަށާއި ދިވެހި ސަރުކާރާއި ރައްޔިތުންނަށް ވެސް ތަހުނިޔާ ދަންނަވައި ހެޔޮ އެދުންތައް ފޮނުއްވާފައިވާ ކަމަށެވެ.
މޯދީގެ މެސެޖުގައި ޢީދު ދުވަހު ހަނދާނަށް ގެނެސްދެނީ އަޅުގަނޑުމެން އެންމެން އުއްމީދުކުރާ ސުލްހަވެރި ދުނިޔެއެއް ބިނާކުރުމަށް ބޭނުންތެރި އެއްބައިވަންތަކަން ކަމަށް ފާހަގަކުރައްވާފައިވާ ކަމަށް އިންޑިއާ ހައިކޮމިޝަނުން ވިދާޅުވިއެވެ.
On the auspicious occasion of Eid Al-Adha, Hon’ble Prime Minister of India 🇮🇳 @NarendraModi extended warm greetings to His Excellency President of Maldives Dr. @MMuizzu, the Government & the people of the Republic of Maldives 🇲🇻.
The full PR is here: 👇@IndianDiplomacy pic.twitter.com/qG42iFwRfK
— India in Maldives (@HCIMaldives) June 16, 2024
މީގެ އިތުރުން މިއީ އިންޑިއާގައި އޮތް ތަފާތު ސަގާފަތްތައް ހިމެނޭ ތަރިކައިގެ ތެރެއިން ފޯރިއާއި އުފާވެރިކަމާއެކު ފާހަގަކުރެވޭ ދުވަހެއްކަމަށް ވެސް މޯދީގެ މެސެޖުގައި ވިދާޅުވިކަމަށް ވަނީ ފާހަގަކުރައްވާފައެވެ.
