3 ކައުންސިލް ގޮނޑިއެއް އިންތިޚާބަކާ ނުލާ ޕީއެންސީއަށް ކާމިޔާބު ކުރެވިއްޖެއެވެ.
އިންތިޚާބަކާ ނުލާ ޕީއެންސީއަށް ކާމިޔާބު ކުރެވުނު ގޮނޑި ތަކަކީ ޅ. ހިންނަވަރު އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ ގޮނޑިއާއި، ރ. ހުޅުދުއްފާރު ކައުންސިލް މެންބަރުކަމާއި، ޅ އަތޮޅު ކައުންސިލް ރައީސްގެ ގޮނޑިއެވެ.
އިލެކްޝަންސް ކޮމިޝަނުން ބުނެފައިވަނީ މި 3 ގޮނޑި ޕީއެންސީއަށް ކާމިޔާބު ކުރެވިފައިވަނީ ކުރިމަތިލާން ހުޅުވާލި މުއްދަތުގައި އެހެން އެއްވެސް ކެނޑިޑޭޓަކު އިންތިޚާބަށް ކުރިމަތިލާފައި ނުވާތީކަމަށް އިލެކްޝަންސް ކޮމިޝަނުން ބުނެފައި ވެއެވެ.
އިލެކްޝަންސް ކޮމިޝަނުން މީގެ ކުރިން ނިންމާފައިވަނީ 10 ބައި އިލެކްޝަންއެއް އަންނަ މަހު 20 ގައި ބޭއްވުމަށެވެ. މީގެ ތެރޭގައި 8 ލޯކަލް ކައުންސިލް ބައި-އިލެކްޝަނާއި އަންހެނުންގެ ތަރައްޤީއަށް މަސައްކަތްކުރާ ކޮމިޓީތަކުގެ 2 ބައި-އިލެކްޝަނެއް ހިމެނެއެވެ. އެހެންނަމަވެސް އިންތިޚާބަކާ ނުލާ 3 ބައި އިލެކްޝަންގެ ގޮނޑި ޕީއެންސީއަށް ކާމިޔާބު ވުމާއެކު، ދެން ބާކީ އޮންނާނީ ލޯކަލް ކައުންސިލްގެ ބައި އިލެކްޝަންއެވެ.
އޭގެ އިތުރުން ފ. ބިލެތްދޫ އަންހެނުންގެ ކޮމިޓީއަށް މެންބަރަކު ހޮވުމަށް ބައި-އިލެކްޝަނެއް އިލެކްޝަންސް ކޮމިޝަނުން އިއުލާން ކުރިނަމަވެސް، އެއްވެސް ފަރާތަކުން ކުރިމަތި ލާފައި ނުވުމާއެކު އެ ބައި އިލެކްޝަން އަލުން އިލެކްޝަން އަލުން އިއުލާންކުރުމަށް ވަނީ ނިންމާފައެވެ.
ޖުލައި 20 ގައި އޮންނަ ބައި-އިލެކްޝަންތައް:
• ފ. ބިލެތްދޫ ކައުންސިލްގެ ރައީސް އިންތިޚާބުކުރުން
• ކުޅުދުއްފުށި ސިޓީ ކައުންސިލްގެ ކުޅުދުއްފުށި އުތުރު ދާއިރާގެ ކައުންސިލަރު އިންތިޚާބުކުރުން
• މާލެ ސިޓީ ކައުންސިލްގެ ހުޅުމާލެ ދާއިރާގެ ކައުންސިލް މެންބަރު އިންތިޚާބުކުރުން
• މާލެ ސިޓީ ކައުންސިލްގެ މައްޗަންގޮޅި މެދު ދާއިރާގެ ކައުންސިލް މެންބަރު އިންތިޚާބުކުރުން
• މާލެ ސިޓީ ކައުންސިލްގެ ހެންވޭރު ހުޅަނގު ދާއިރާގެ ކައުންސިލް މެންބަރު އިންތިޚާބުކުރުން
• ރ. ރަސްމާދޫ ކައުންސިލްގެ އަންހެން މެންބަރު އިންތިޚާބުކުރުން
މިއިން ކޮންމެ ބައި-އިލެކްޝަނެއްގައިވެސް 2 ކެންޑިޑޭޓަކު ވާދަކުރެއެވެ.
