ފާއިތުވިއަހަރު ކޯޕަރޭޓް ގަވަނެންސްގެ އުސޫލާ އެއްގޮތަށް އެންމެ ރަގަޅަށް ހިންގި ކުންފުންޏަކަށް އެސްޓީއޯކަމަށް ޓްރާންސްޕޭރެންސީ މޯލްޑިވްސްއިން އެކުލަވައިލި ރިޕޯޓަކުން ދައްކައިފިއެވެ.
ފާއިތުވި އަންގާރަ ދުވަހު ނެރުނު، ސަރުކާރު ހިއްސާވާ 32 ކުންފުންޏަކަށް ޚާއްސަކޮށްގެން ޓްރާންސްޕޭރެންސީ މޯލްޑިވްސްއިން އެކުލަވާލި 'ކޯޕަރޭޓް ގަވަނެންސް ޓްރާންސްޕޭރެންސީ އިންޑެކްސް' (ސީޖީޓީއައި) ރިޕޯޓުގައި ވަނީ މައިގަޑު 6 ބައެއްގެ މައްޗަށް ބަލާލާފައެވެ.
އެ ބައިތަކަކީ:
-
1- އޯނަޝިޕް ޕޮލިސީ އާއި ކުންފުނީގެ މަގުސަދުތައް
-
2- އޯގަނައިޒޭޝަން، އޮޕަރޭޝަންތައް އަދި ޕާފޮމެންސް
-
3- ދައުލަތާ ދެމެދު ކުރާ މުއާމަލާތްތައް
-
4- ޕްރައިވެޓް ސެކްޓާއާ ދެމެދު ކުރާ މުއާމަލާތްތައް
-
5- ސީއެސްއާރު، އިންޓާނަލް ކޮންޓްރޯލް އަދި ކޯޕަރޭޓް އިންޓެގްރިޓީ
-
6-ޑިރެކްޓަރުންގެ ބޯޑު
ޓްރާންސްޕޭރެންސީ މޯލްޑިވްސްގެ ސިރާސާ ރިޕޯޓުގައި ވާގޮތުން ސީޖީޓީއައި ރިޕޯޓުގެ 3 ކެޓަގަރީއަކުން އެސްޓީއޯވަނީ އެއްވަނަ ހޯދާފައެވެ.
އެ ކެޓަގަރީ ތަކަކަކީ:
- އޯނަޝިޕް ޕޮލިސީ އާއި ކުންފުނީގެ މަގުސަދުތައް
- އޯގަނައިޒޭޝަން، އޮޕަރޭޝަންތައް އަދި ޕާފޮމެންސް
- ސީއެސްއާރު، އިންޓާނަލް ކޮންޓްރޯލް އަދި ކޯޕަރޭޓް އިންޓެގްރިޓީ
މި ދިރާސާއިން ދައްކާގޮތުން މި ކެޓަގަރީތަކުގެ އިތުރުންވެސް އެހެން ބައެއް ކަޓަގަރީތަކުންވެސް އެސްޓީއޯން ވަރަށް މަތިން މާކްސް ހޯދާފައި ވެއެވެ. އޭގެ ތެރޭގައި ދައުލަތާއި ޕްރައިވެޓް ސެކްޓަރއާ ދެމެދުކުރާ މުއާމަލާތްތަކުގެ ބައިންވެސް ކޮންމެ ބަޔަކުން އެސްޓީއޯއިންވަނީ %82 މާކްސް ހޯދާފައެވެ. އަދި ކުންފުނިތަކުގެ ރަސްމީ ވެބްސައިޓުގައި ކޯޕަރޭޓް ގަވަނެންސް މެކޭނިޒަމްތައް އާންމުކުރާ މިންވަރަށް ބަލާއިރު އެ ކެޓަގަރީން އެސްޓީއޯއިން %67 ހޯދާފައިވާއިރު، ގިނަ ކުންފުނިތަކަށް ލިބިފައިވަނީ %50އަށްވުރެ ދަށް ނަތީޖާއެކެވެ.
ޓްރާންސްޕޭރެންސީ މޯލްޑިވްސްއިން އެކުލަވާލި މި ރިޕޯޓުގައި ޖުމްލަ 38 މިންގަޑަކުން ކުންފުނިތައް ވަޒަން ކޮށްފައިވާއިރު އޭގެ ތެރެއިން 16 މިންގަޑަކީ ކުންފުނިތަކުގެ އަހަރީ ރިޕޯޓުގައި ހިމަނަންޖެހޭ ކަންކަމުގެ މައްޗަށް އެކުލަވާލެވިފައިވާ މިންގަޑުތަކެވެ. ބާކީ ހުރި ކަންކަމަކީ މައުލޫމާތު ހޯދާ ލިބިގަތުމުގެ ގާނޫނުގެ ދަށުން އާންމުކުރުން ހުއްދަ ކަންކަމެވެ.
މިއީ ފާއިތުވި އަހަރުގެ އޮގަސްޓުމަހުގެ 14 އިން 3 އަށް އެއްކުރި މައުލޫމާތުތަކުގެ މައްޗަށް އެކުލަވާލާފައިވާ ދިރާސާއެކެވެ. މި ރިޕޯޓުގައި 2022 ވަނަ އަހަރުގެ ކުންފުނިތަކުގެ އަހަރީ ރިޕޯޓުތަކަށް ބަލާފައިވާއިރު، ރިޕޯޓު އެކުލަވާލި މުއްދަތާއި ހަމައަށް އަހަރީ ރިޕޯޓު އެކުލަވާލާފައިވަނީ އެންމެ 11 ކުންފުންޏަކުންކަންވެސް ރިޕޯޓުގައި ފާހަގަ ކޮށްފައި ވެއެވެ.
އެހެންނަމަވެސް ޕީސީބީގެ ގަވާއިދުގައިވާ ގޮތުން ކޮންމެ ކުންފުންޏަކުންވެސް އެކުންފުންޏެއްގެ އަހަރީ ރިޕޯޓު އަހަރު ނިމުމަށްފަހު ޖެހިގެން އަންނަ 6 މަސްދުވަހުގެ ތެރޭގައި އެކުލަވާލަން ޖެހެއެވެ.
